یاریگا –
پێدەچێت ریال مەدرید ئەم وەرزە بە سێ بەرگریکاری باڵی چەپ بەڕێبکات.
هەرچەندە چابی ئاڵۆنسۆ، راهێنەری ریال مەدرید رووناکی سەوزی بۆ چوونە دەرەوەی فێرلاند مێندی هەڵکردووە، بەڵام رۆژنامەی ئاس بڵاویکردووەتەوە، هیچ ئۆفەرێکی فەرمی بۆ مێندی نەگەیشتووەتە ریال مەدرید.
رۆژنامەکە روونیکردووەتەوە، مێندی نایەوێت ریال مەدرید جێبهێڵێت و هیچ ئۆفەرێکیشی پێنەگەیشتووە، بۆیە هەموو ئاماژەکان بۆ مانەوەی مێندین.
ئەوەی هەمووان لە دەستەی هونەری یانەکە لەسەری کۆکن، ئالڤارۆ کارێراس یاریزانی سەرەکی دەبێت.
هەریەکە لە مێندی و فران گارسیا وەکو یاریزانی یەدەک دەمێننەوە، ئاڵۆنسۆ چاوەڕێیە لە کۆتایی سێپتێمبەر/ئەیلوولی داهاتوو، مێندی مەشقەکانی بەتەواوی دەستپێبکاتەوە.
گرێبەستی مێندی لە هاوینی ساڵی 2027 لە مەدرید بەسەردەچێت و تاوەکو ئێستاش، هیچ یانەیەکی نیازی گواستنەوەی پیشان نەداوە و ریال مەدریدیش هیچ زانیارییەکانی نەدرکاندووە.
