میلان بەرگریکارێکی لە پرێمەرلیگ دەوێت

یاریگا –

ئەیسی میلان ئامادەیە ئۆفەرێکی فەرمی بۆ گواستنەوەی مانوێل ئاکانجی پێشکەشی مانچێستەر سیتی بکات.

سکای ئیتاڵیا بڵاویکردووەتەوە، میلان دوای گفتوگۆییەکی چەند رۆژە، ئامادەیە بڕی 13 ملیۆن پاوەند بۆ گواستنەوەی ئاکانجی پێشکەشی مان سیتی بکات.

تۆڕە ئیتاڵییەکە دووپاتیکردووەتەوە، میلان بە گەیشتن بە رێککەوتن لەگەڵ مان سیتی گەشبینە، بەڵام سەرەتا دەبێ رەزامەندی یاریزانەکە بەدەستبهێنێت.

ئیگلی تارێ، بەڕێوەبەری وەرزشی میلان هەوڵی زۆری بۆ رازیکردنی ئاکانجی داوە، بەڵام تاوەکو ئێستا بەرگریکارە سویسرییەکە رەزامەندی تەواوی پیشان نەداوە.

تاوەکو ئێستا، ئاکانجی دەیەوێت لە یانەیەکی پرێمەرلیگ بمێنێتەوە، هەرچەندە هێشتا دوو رۆژ بۆ داخرانی بازاڕی گواستنەوەکان ماوە.