یاریگا –
ئەمڕۆ لە یارییەكانی گەڕی سێیەمی پرێمەرلیگ ریال مەدرید میوانداری ریال مایۆركا دەكات.
وا بڕیارە ئەمڕۆ شەممە كاتژمێر 22:30 بە كاتی كوردستان ریال مەدرید لە یاریگای سانتیاگۆ بێرنابیۆ میوانداری ریال مایۆركا بكات، لە میانی یارییەكانی گەڕی سێیەمی لالیگای ئیسپانیا.
پڕۆفایلی یاری
ریال مەدرید لە وەرزی 2024/25 نەیتوانی هیچ نازناوێک بباتەوە و هەروەها لە جامی جیهانی یانەكانیشدا بەرامبەر پاریس سانجێرمان تووشی شكستێكی سەخت بوون، ئەم وەرزە دەیانەوێت هاندەرەكانیان ئاشت بكەنەوە.
ریال مەدرید مێركاتۆیەكی هاوینەی گەرمی هەبوو بە جۆرێک هەریەک لە چابی ئاڵۆنسۆی راهێنەر و یاریزانان دین هاوسن، ئالڤارۆ كارێراس، فرانكۆ ماستانتونۆ و ترێنت ئالێكساندەر ئارنۆڵدیان گواستەوە.
یانە شاهانەكە لە یاریی یەكەمی وەرزی نوێی لالیگا بەرامبەر ئۆساسونا یارییانكرد و بە گۆڵێكی بێ وەڵام یارییەكەیان بردەوە و لە دووەم یارییدا رووبەرووی ریال ئۆڤیدۆ بوونەوە و بە سێ گۆڵی بێ وەڵام یارییەكەیان بردەوە،شەش خاڵیان بەدەستهێناوە و هیچ گۆڵێكیان لێنەكراوە.
لە بەرامبەردا مایۆركا لە هەفتەی یەكەم بەرامبەر بارسێلۆنا یارییانكرد بە سێ گۆڵی بێ وەڵام تووشی شكست هاتن و لە هەفتەی دووەمیش بە گۆڵێك لەگەڵ سێلتا ڤیگۆ یەكسان بوون.
هەواڵی پێكانی یاریزانەكان
ریال مەدرید بە بێ ئێندریک، كاماڤینگا، بێڵینگهام و فێرلاند مێندی رووبەرووی مایۆركا دەبێتەوە.
مایۆركا بە تەواوی یاریزانەكانیەوە رووبەرووی ریال مەدرید دەبێتەوە.
پێكهاتەی پێشبینیكراوی ریال مەدرید
كۆرتوا
كارڤاخال، میلیتاو، هاوسن، كارێراس
ڤاڵڤێردی، چوامینی، گولەر
ماستانتونۆ، ئێمباپێ، ڤینیسێۆس
پێكهاتەی پێشبینیكراوی مایۆركا
لیۆ رۆمان
مۆرێی، ڤالیخێنت، رایێۆ، كومبولا، مۆیكا
ساموێل كۆستا، مۆرلانێس
ئاسانۆ، موریكی، داردێر
