ئێستا؛ چارەنووسی ئەستێرەیەکی ناودار یەکلاییدەبێتەوە
ئۆفەرەکە قبووڵکرا..
یاریگا –
چارەنووسی ئانتۆنی، هێرشبەری بەڕازیلی یەکلاییدەبێتەوە و بۆ هەمیشە ئۆڵدترافۆرد جێدەهێڵێت.
تۆڕی سکای سپۆرتس بڵاویکردووەتەوە، مانچێستەر یونایتد ئۆفەرەکەی ریال بێتیسی بۆ گواستنەوەی ئانتۆنی بەشێوەی هەمیشەیی قبووڵ کرد و رووناکی سەوزی بۆ ئەستێرە بەڕازیلییەکە هەڵکردووە تاوەکو گەشتی ئیسپانیا بکات.
هەمان سەرچاوە ئاماژەی بەوەش کردووە، ئێستا گواستنەوەکە تەنیا لەسەر رێککەوتنی یاریزانەکە و ریال بێتیس لەسەر مەرجە کەسییەکان ماوەتەوە و هەردوولا گفتوگۆ لەسەر مەرجەکان دەکەن.
BREAKING: Manchester United have accepted a bid from Real Betis for the permanent transfer of Antony 🔴 pic.twitter.com/2GE09XxqOR
— Sky Sports News (@SkySportsNews) August 29, 2025
ئانتۆنی لە هاوینی 2022 بەبڕی 95 ملیۆن یۆرۆ لە ئایاکسی هۆڵەندییەوە پەیوەندی بە مانچێستەر یونایتد کرد، بەڵام لەگەڵ شەیتانە سوورەکان ئاستی راستەقینەی خۆی پێشکەش نەکردووە و لە 96 یاریی تەنیا 12 گۆڵ و پێنج ئەسیستی کردووە.
هێرشبەرە بەڕازیلییەکە لە زستانی رابردوو بەشێوەی خواستن پەیوەندی بە ریال بێتیس کرد، لەگەڵ یانە ئیسپانییەکە ئاستی بەرزبووەوە و لە 26 یاریی 9 گۆڵی کرد و 5 گۆڵی دروستکرد، بۆیەکەمجار یانەکەی گەیاندە یاریی کۆتایی کۆنفڕانسلیگ بەڵام نازناوەکەیان بەدەستنەهێنا و 4-1 بەچێڵسی دۆڕان.
ئانتۆنی خۆشەویستییەکی زۆری بۆ ریال بێتیس هەیە، هەر بەگوێرەی زانیارییەکانی سکای سپۆرتس، لەم هاوینە ئۆفەری چەند یانەیەکی رەتکردووەتەوە و تەنیا دەیەوێت بگەڕێتەوە ریال بێتیس.
