ئینگلتەرابازاڕی گواستنه‌وه‌گرنگترین

فەرمی؛ تۆتنهام گرێبەستێکی گەورەی راگەیاند

Yariga App

یاریگا –

چاڤی سیمۆنس، ئەستێرەی لاوی هۆڵەندی گرێبەستی لەگەڵ یانەیەکی لەندەنی واژۆکرد.

یانەی تۆتنهام بەشێوەیەژی فەرمی رایگەیاند، چاڤی سیمۆنس، ئەستێرەی پێشووی لایپزیگ پەیوەندی بە یانەکە کردووە و گرێبەستێکی درێژخایەنی لەگەڵ سپێرز واژۆکردووە.

گرێبەستەکەی سیمۆنز لەگەڵ یانە لەندەنییەکە بۆ ماوەی پێنج وەرز دەبێت، تۆتنهام لەبەرامبەر گواستنەوەی یاریزانە هۆڵەندییەکە 60 ملیۆن یۆرۆ بە لایپزیگ دەدات، لەگەڵ بڕێک پارەی دیکە بەشێوەی پاداشت.

سیمۆنز لەگەڵ چێڵسی لەسەر مەرجە کەسییەکان رێککەوتنی کردبوو، بەدرێژایی ئەم هاوینە دەیویست پەیوەندی بە بلوز بکات، بەڵام تۆتنهام بەهۆی شکستهێنان لە گواستنەوەی ئێزێ و ساڤینیۆ، چووە کێبڕکێی گواستنەوەی چاڤی و بەخێرایی گرێبەستەکەی یەکلاییکردەوە.

سیمۆنسی تەمەن  لە هاوینی 2019 بە گرێبەستێکی ئازاد لە بارسێلۆناوە پەیوەندی بە پاریس کرد، بەدرێسی سانجێرمان بەشداری تەنیا 11 یاری کرد، بەشێوەیەکی گشتی تەنیا 331 خولەک یاری کرد و یەک گۆڵی دروستکرد.

لە هاوینی 2022 پاریسی جێهێشت و بەشێوەی خواستن یاریی بۆ ئایندهۆڤنی هۆڵەندی کرد، لە وەرزی دواتریش جارێکی دیکە بەشێوەی خواستن یانە فەڕەنسییەکەی جێهێشت و پەیوەندی بە لایپزیگ کرد.

لە زستانی ئەمساڵ یانە ئەڵمانییەکە بەبڕی 50 ملیۆن یۆرۆ گرێبەستەکەی چاڤی کرد بە هەمیشەیی و تاوەکو هاوینی 2027 گرێبەستی لەگەڵ یانەکە واژۆکرد.

بەدرێسی لایپزیگ لە سەرجەم پاڵەوانێتییەکان بەشداریی 76 یاریی کردووە، 21 گۆڵی کردووە و 23 گۆڵی دروستکردووە.

تۆتنهام ئەستێرەیەک لە چێڵسی دەڕفێنێت

بابەتی زیاتر

Back to top button