ئه‌وروپاگرنگترین

خەیاڵییە؛ بڕی ئەو قەرەبووانەی مۆرینیۆ دوای دوورخرانەوەی لە یانەکانی وەرگرتووە

Yariga App

یاریگا –

ئەمڕۆ بەشێوەیەکی چاوەڕواننەکراو جۆزێ مۆرینیۆ لە ئەرکی راهێنەرایەتی فەنەرباچێ دوورخرایەوە، ئەوە دوای ئەوەی یانەکە نەیتوانی لە پاشکۆی پاڵاوتنەکانی چامپیۆنزلیگ خۆی بگەیەنێتە ئەو پاڵەوانێتیە گەورەیە و لەسەردەستی بێنفیکا کرایەدەرەوە.

مۆرینیۆ کە هاوینی 2024 ئەرکەکەی لەگەڵ فەنەرباچێ دەستپێکرد، هێشتا گرێبەستی لەگەڵ مابوون. بەڵام ئەنجامەکانی بە دڵی بەرپرسانی یانەکە نەبوو هەربۆیە گەیشتنە ئەو بڕیارەی پێش دەستپێکردنی وەرزی 2025/26ی خولی تورکی راهێنەرە پۆرتوگالییەکە دووربخەنەوە، بەڵام بەبێ قەرەبوو نابێت.

بەگوێرەی زانیارییەکانی یاگیس سابونچوگلوی رۆژنامەنووسی تورکی، لەبەرامبەر دوورخستنەوەی پێش وادەی بەسەرچوونی گرێبەستی نێوانیان، مۆرینیۆ بڕی 9 ملیۆن یۆرۆ وەردەگرێت.

دوای ئاشکرابوونی ئەو زانیارییە، سەرچاوەکانی هەواڵ هەرزوو دەستیانکرد بە هەڵدانەوە و کۆکردنەوەی بڕی سەرجەم ئەو قەرەبووانەی کە “سپێشەڵ وەن” دووای دروخرانەوەی، لە یانەکانی وەرگرتووە.

تەنها 7 ساڵی رابردوو وەک نموونە سەیربکرێت، خۆزێ لە سێ یانەی دیکە دوورخراوەتەوە کە ئەوانیش مانچێستەر یونایتد، تۆتنهام و رۆمایە. بەگوێرەی زانیارییە مێدیاییەکانیش بێ، ناوبراو بڕی 100 ملیۆن یۆرۆی لە یانەکان وەرگرتووە لەپای دوورخستنەوەی.

بابەتی زیاتر

Back to top button