یاریگا –
بەشێوەیەکی چاوەڕواننەکراو و کتوپڕ ئۆڵی گونار سۆڵشایەر لە پۆستی راهێنەرایەتی بێشکتاش دوورخرایەوە.
سۆڵشایەر تەنها لە 18ی یەنایەری ئەمساڵ ئەرکی راهێنەرایەتی یانە تورکیەکەی گرتبووەدەست بە گرێبەستێک بۆ ماوەی ساڵ و نیوێک.
ئەگەرچی راهێنەرە نەرویجیەکە بە سەرەتایەکی باشەوە لەگەڵ بێشکتاش دەستیپێکرد کاتێ لە 12 یارییدا 8 بردنەوە و یەکسانبوونێکی تۆمارکرد، لەنێوشیاندا بردنەوەی دێربی ئەو وڵاتە لە گالاتاسەرای کە پێشەنگی خولەکە بوو، بەڵام سەرەنجام لە ئەرکەکەی دوورخرایەوە.
بەگوێرەی راگەیەندراوێکی فەرمی لە بێشکتاشەوە، ئەمڕۆ دوای کۆبوونەوەی بۆردی باڵای یانەکە، سەرداڵ ئادالی سوپاسی سۆڵشایەری کردووە بۆ ئەو خزمەتەی تا ئێستا پێشکەشی کردوون. بەڵام بەفەرمی جیابوونەوەیان لە سۆڵشایەر بۆ رای گشتی ئاشکراکرد.
Resmi Açıklama | Ole Gunnar Solskjaer
🔗 https://t.co/1AIyUEGZhl pic.twitter.com/G64U7vamf4
— Beşiktaş JK (@Besiktas) August 28, 2025
شۆڵشایەر دوای دوورخستنەوەی لە مانچێستەر یونایتد لە 2021، ماوەی 4 ساڵە هیچ پۆستێکی دیکەی وەرنەگرتبوو تا هاتنی ئۆفەرەکەی بێشکتاش کە بۆ ماوەی ساڵ و نیوێک بوو، بەڵام لە نیوەی رێگەکە جیابوونەوە.
