نوێترین پەرەسەندنەکان لەبارەی هەوڵەکان لە پرێمەرلیگەوە بۆ گواستنەوەی فێرمین لوپێز

یاریگا –

چەند رۆژێکە لە پرێمەرلیگەوە خواستی جیدی پیشاندراوە بۆ گواستنەوەی فێرمین لۆپێزی یاریزانی بارسێلۆنا. ئەمڕۆش پەرەسەندنی نوێ روویداوە.

بەگوێرەی زانیارییەکانی بێن جەیکوبی رۆژنامەنووسی دیاری بەریتانی، ئەمڕۆ یانەی چێڵسی گفتوگۆی زیاتری لەگەڵ لپۆێز ئەنجامداوە. خودی یاریزانە ئیسپانییەکەش بۆ ئەو مەبەستە قسەی لەگەڵ ئێنزۆی مارێسکای راهێنەری بلووز کردووە.

سەرچاوەکە ئەوەی زانیوە کە هیشتا هیچ شتێک لەوبارەیەوە نە نزیکبووەوتەوە نە دەستەبەریشکراوە، بەڵام یانە لەندەنییەکە بەردەوامە لە پرسیار و سۆراخەکانی. یانەی بارسێلۆناش بۆ دەستبەرداربوون لە یاریزانە 22 ساڵیەکە داوای سەرووی 60 ملیۆن یۆرۆ دەکات.

جەیکوب لە کۆتایی زانیارییەکەیدا جەختی کردووەتەوە کە لەسەر ئاستی یانە، هەردوولا پەیوەندی سەرەتاییان ئەنجامداوە.

🚨 Exclusive: Understand Chelsea have held further talks today with Barcelona’s Fermin Lopez, who has also spoken to Enzo Maresca.

Nothing close or guaranteed yet, but Chelsea continue to seriously explore a move. Barcelona want €60m+.

Initial club-to-club contact has also… pic.twitter.com/VCjOPymOKL

— Ben Jacobs (@JacobsBen) August 28, 2025