تۆتنهام ئەستێرەیەک لە چێڵسی دەڕفێنێت
ئێستا یاریزانەکە لە لەندەنە..
یاریگا –
تۆتنهام بۆ گواستنەوەی چاڤی سیمۆنس، ئەستێرەی هۆڵەندی ململانێی چێڵسی دەکات.
رۆژنامەنووسی سکای ئەڵمانیا فلۆریان پلێتنبێرگ بڵاویکردووەتەوە، تۆتنهام یانەی لایپزیگی ئاگادارکردووتەوە بۆ گواستنەوەی چاڤی سیمۆنس دەچنە پێش و هەموو هەوڵێک دەدەن بەر لە کۆتایی مێرکاتۆی هاوینە گرێبەستەکە یەکلاییبکەنەوە.
لایپزیگ سیمۆنسی ئازاد کردووە تاوەکو یانەیەکی نوێ بۆ خۆی بدۆزێتەوە، ئێستا ئەستێرە هۆڵەندییەکە لە لەندەنە و دەیەوێت پەیوەندی بە یانەیەکی پرێمەرلیگ بکات، یانە ئەڵمانییەکەش داوای 70 ملیۆن یۆرۆ دەکات.
چاڤی بە درێژایی ئەم هاوینە هەوڵیداوە پەیوەندی بە چێڵسی بکات، لەگەڵ بلوز لەسەر مەرجە کەسییەکانیش رێککەوتووە و چاوەڕوانی رێککەوتنی نێوان یانەکانە.
بەگوێرەی زانیارییەکانی سکای ئەڵمانیا، ئێستا لایپزیگ چاوەڕوانی ئۆفەری فەرمی چێڵسی و لایپزیگ دەکات.
🚨🆕 Tottenham Hotspur have now informed RB Leipzig that they are pushing to sign #Xavi Simons.
The player is in London, having been released from his Leipzig duties until further notice. RB are demanding €70m all-in.
Chelsea remain in the race and already have an agreement… pic.twitter.com/puu3aLxdBz
— Florian Plettenberg (@Plettigoal) August 28, 2025
سیمۆنسی تەمەن لە هاوینی 2019 بە گرێبەستێکی ئازاد لە بارسێلۆناوە پەیوەندی بە پاریس کرد، بەدرێسی سانجێرمان بەشداری تەنیا 11 یاری کرد، بەشێوەیەکی گشتی تەنیا 331 خولەک یاری کرد و یەک گۆڵی دروستکرد.
لە هاوینی 2022 پاریسی جێهێشت و بەشێوەی خواستن یاریی بۆ ئایندهۆڤنی هۆڵەندی کرد، لە وەرزی دواتریش جارێکی دیکە بەشێوەی خواستن یانە فەڕەنسییەکەی جێهێشت و پەیوەندی بە لایپزیگ کرد.
لە زستانی ئەمساڵ یانە ئەڵمانییەکە بەبڕی 50 ملیۆن یۆرۆ گرێبەستەکەی چاڤی کرد بە هەمیشەیی و تاوەکو هاوینی 2027 گرێبەستی لەگەڵ یانەکە واژۆکرد.
بەدرێسی لایپزیگ لە سەرجەم پاڵەوانێتییەکان بەشداریی 76 یاریی کردووە، 21 گۆڵی کردووە و 23 گۆڵی دروستکردووە.
Xavi Simons is in London as he hopes to finalise a Premier League move.
Spurs in talks and considering a bid. Simons has wanted Chelsea all summer, and terms are in place.
Both clubs active, with Leipzig hoping for €65m+.🇳🇱 pic.twitter.com/TwdUiPVE1I
— Ben Jacobs (@JacobsBen) August 28, 2025
