لیندێلۆف ئەزموونە زۆرەکەی پرێمەرلیگی دەگوازێتەوە بۆ سێریائەی
یاریگا –
ڤیکتۆر لیندێلۆف نزیکە لەوەی لەگەڵ یانەی داهاتووی بگاتە رێککەوتن.
بەرگریکارە سویدیەکە یەکێکبوو لە یاریزانە دیارەکانی چەند ساڵی رابردووی مانچێستەر یونایتد کاتێک بۆ ماوەی هەشت ساڵ درێسی یانە ئینگلیزیەکەی پۆشی تا کۆتاییهاتنی گرێبەستەکەی لە هاوینی ئەمساڵ.
بەگوێرەی زانیارییەکانی فابریزۆ رۆمانۆ، یانەی فیورێنتینا گفتوگۆکانی زۆر بەرەوپێش بردووە بۆ واژۆکردنی گرێبەست لەگەڵ یاریزانە 31 ساڵییەکە.
هەر بەپێی زانیارییەکانی ئەو رۆژنامەنووسە، خودی ڤیکتۆر بەپەرۆشە بۆ پەیوەندیکردن بە یانە ئیتاڵییەکەوە و، ئەوەی ئێستا ماوەتەوە تەنها چەند وردەکارییەکە پێش راگەیاندنی فەرمی روونبکرێتەوە.
🚨🟣 Understand Fiorentina are progressing well in talks to sign Viktor Lindelöf!
Negotiations advancing with Lindelöf keen on the move but details yet to be clarified before here we go. pic.twitter.com/r2EaqJZc7b
— Fabrizio Romano (@FabrizioRomano) August 28, 2025
