فەرمی؛ ئەستێرەیەكی پێشووی ریال مەدرید پەیوەندی بە بایەر لیڤەركوزنەوە كرد
یاریگا –
یانەی بایەر لیڤەركوزنی ئەڵمانی گواستنەوەی لوكاس ڤازكوێزی بۆ ریزەكانی یانەكەی راگەیاند.
هەژماری فەرمی بایەر لیڤەركوزن لە پلاتفۆرمی ئێكس گواستنەوەی لوكاس ڤازكوێزی بۆ ریزەكانی یانەكەی بڵاوكردەوە.
Willkommen bei #Bayer04, Lucas Vazquez! 🇪🇸🤗#VamosVazquez | #Werkself pic.twitter.com/mfVtBMMQH0
— Bayer 04 Leverkusen (@bayer04fussball) August 26, 2025
لوكاس ڤازكوێز وەک یاریزانێکی ئازاد و بە گرێبەستێک بۆ ماوەی دوو ساڵ تاوەكو 2027 پەیوەندی بە بایەر لیڤەركوزنەوە كرد.
ڤازكێز لە هاوینی 2015 لە ریزەكانی ئیسپانیۆلەوە بە بەهای 1 ملیۆن یۆرۆ پەیوەندی بە ریال مەدریدەوە كرد و ماوەی 10 ساڵ لە یانەكە بەردەوام بوو.
لە هاوینی ئەمساڵدا لە دوای كۆتاییهاتنی گرێبەستەكەی ریزەكانی ریال مەدریدی جێهێشت و ئێستا یاریزانێكی ئازادە.
لوكاس ڤازكێز لەگەڵ ریال مەدرید 402 یارییكردووە و توانیویەتی 38 گۆڵ بكات و 73 گۆڵیش درووست بكات.
