بەجارێ چوار یانە کێبڕکێی گواستنەوەی یاریزانێکی چێڵسی دەکەن
یاریگا –
تەنها چەند رۆژێکی کەم ماوەتەوە بۆ هاتنی وادەی داخستنی بازاڕی هاوینە و چوار یانە بەجارێ چاویان لە یەک ئامانجە لە چێڵسی.
بلووز ئەم هاوینەش جارێکیتر لە بازاڕەکەدا کڕیارێکی چالاک بوو کە توانی چەند گرێبەستێکی گەورە و گران ئەنجامبدات. ئێستاش بۆ راگرتنی باڵانس لەنێوان خەرجی و داهات، دەبێ دەستبەرداریی بەشێک لە یاریزانەکانی ببێت کە ئاکسێل دیساسی یەکێکە لەوانە.
بەگوێرەی زانیارییەکانی CaughtOffside، هەریەکە لە یانەکانی بۆرنمۆس، وۆڵڤز خواستی بەهێزیان پیشانداوە بۆ گواستنەوەی بەرگریکارە فەڕەنسیەکە.
ئەو سەرچاوەیە ناوی دوو یانەی دیکەی ئاشکراکردووە کە هاوکات چاودێری بەرگریکارە 27 ساڵیەکە دەکەن. ئەوانیش یانەکانی نیوکاسڵ و ناپۆلیە.
🚨 Bournemouth and Wolves are showing strong interest in signing Axel Disasi, who is also being monitored by Napoli and Newcastle.
(Source: @CaughtOffside) pic.twitter.com/umUl0dnMZY
— Transfer News Live (@DeadlineDayLive) August 24, 2025
دیساسی لەوەتەی هاوینی 2023 درێسی ئەو یانە لەندەنییە دەپۆشێت. زستانی ئەمساڵیش بەخواستن نێردرایە ریزەکانی ئاستۆن ڤیلا، بەڵام بە گەڕانەوەی جارێکیتر بۆ ستامفۆردبریج هیچ دەستەبەرییەکی لەلایەن ئێنزۆ مارێسکا پیشاننەدراوە لە پێکهاتەی ئەو راهێنەرە ئیتاڵیەدە جێی ببێتەوە.
