ئیتیحاد ژمارەی پێوانەیی میرکاتۆی یانەکەی دەشکێنێت
یاریگا –
یانەی ئیتیحادی سعوودی بە ئۆفەرێکی خەیاڵی دەیەوێت ئەستێرەیەکی لاوی پۆرتۆ بگوازێتەوە و بەم گواستنەوەیە ژمارەی پێوانەیی گرانترین گواستنەوەی یاریزانان لە مێژووی یانەکەدا دەشکێنێت.
ئیتیحاد گفتووگۆکانی بۆ گواستنەوەی رۆدریگۆ مۆرا، بەهرەمەندە لاوە 18 ساڵەکەی پۆرتۆ دەستپێکردووە و ئۆفەرێکی بە بڕی 70 ملیۆن یۆرۆ پێشکەشی یانە پۆرتوگالییەکە کردووە. ئەو پارەیە کە بڕیارە بە چەند قیستێک بدرێت، مۆرا دەکاتە گرانترین یاریزان لە مێژووی ئیتیحاددا.
بەگوتەی بانگەشەی رۆژنامەنووسی بەلجیکی، ساشا تافولیری، ئێستا یانەی ئیتیحاد دوای رێکەوتن لەگەڵ مۆرا، گفتوگۆی راستەوخۆی لەگەڵ پۆرتۆ دەستپێکردووە، بەڵام ئامادە نییە بە یەکجار بڕگەی ئازادکردنی 70 ملیۆن یۆرۆی بدات.
🟡⚫️ More on Al Ittihad’s decision about Rodrigo Mora. This Saturday, the Saudis reached an agreement with FC Porto to waive the €70M release clause. The agreement was ready to be accepted, but when the decision was finalized, the Ittihad board finally sent… €63M! Bid… pic.twitter.com/Yl0uKge3iU
— Sacha Tavolieri (@sachatavolieri) August 23, 2025
سەرۆکی یانەی پۆرتۆ هیچ ناڕەزایەتییەکی نییە بەرامبەر بە رۆیشتنی ئەو یاریزانە پۆرتوگالییە، بەمەرجێک مەرجی ئازادکردنی 70 ملیۆن یۆرۆی جێبەجێ بکرێت هەروەها رێژەیەک لە بەهای دووبارە فرۆشتنەوەی ئەگەر بگەڕێتەوە ئەوروپا بە پۆرتۆ بدرێت.
ئەگەر گواستنەوەکە بکرێت، مۆرا پێش موسا دیابی دەکەوێتەوە کە هاوینی رابردوو بە بڕی 60 ملیۆن یۆرۆ لە ئاستۆن ڤێلاوە پەیوەندی بە ئیتیحادەوە کرد و دەبێتە سێیەم گرانترین گواستنەوە لە مێژووی خولی سعودیە، دوای نێیمار (90 ملیۆن یۆرۆ بۆ هیلال) و جۆن دۆران بە 77 ملیۆن یۆرۆ بۆ نەسر.
رۆدریگۆ مۆرا کە توانای یاریکردنی وەک یاریزانی هێڵی ناوەڕاست و یاریی کردن لە باڵەکان هەیە، هاوینی رابردوو لە تەمەنی 17 ساڵیدا بۆ تیپی یەکەمی پۆرتۆ سەرخرا و تا ئێستا 11 گۆڵی تۆمارکردووە و 4 ئەسیستیشی لە 36 یاری فەرمیدا کردووە.
