دوایین پەرەسەندن؛ چارەنووسی دۆناروما یەکلاییدەبێتەوە
لەگەڵ یانەیەکی پرێمەرلیگ رێکدەکەوێت..
یاریگا –
مانچێستەر سیتی لەگەڵ جیانلویجی دۆناروما، گۆڵپارێزی ئیتاڵی گەیشتووەتە رێککەوتنی کۆتایی.
رۆژنامەنووسی باوەڕپێکراو نیکۆلۆ شیرا بڵاویکردووەتەوە، جیانلویجی دۆناروما لەگەڵ مانچێستەر سیتی لەسەر مەرجە کەسییەکان گەیشتووەتە رێککەوتنی کۆتایی و گرێبەستێک بۆ ماوەی پێنج وەرز و تاوەکو هاوینی 2030 لەگەڵ بلوو موون واژۆ دەکات.
بەگوێرەی هەمان سەرچاوە، مانچێستەر سیتی لەگەڵ پاریس سانجێرمان گفتوگۆی گواستنەوەی یاریزانەکە دەستپێدەکات.
🚨 Excl – Agreement in principle between Gigio #Donnarumma and #ManchesterCity for a contract until 2030. #MCFC are now working to sign him from #PSG, which have opened the door to the sale. The talks will advance as soon as Ederson leaves (agreed personal terms with Galatasaray) https://t.co/RX4ecf9Zig
— Nicolò Schira (@NicoSchira) August 20, 2025
گرێبەستەکەی دۆناروما لەگەڵ پاریس سانجێرمان لە هاوینی 2026 کۆتایی دێت و مووچەی ساڵانەی 12 ملیۆن یۆرۆ لە یانەکە وەردەگرێت، لەپێناو نوێکردنەوەی ئامادەبوو مووچەکەی کەمبکاتەوە، بەڵام لویس ئێنریکێ، راهێنەری یانەکە بڕیاریدا دەستبەرداری ببێت.
گۆڵپارێزە ئیتاڵییەکە بەفەرمی ماڵئاوایی لە هاندەرانی پاریس سانجێرمان کردووە و لەم هاوینە پەیوەندی یانەکە جێدەهێڵێت.
