دەنگۆكانی مێركاتۆ؛ كریستاڵ پاڵاس شوێنگرەوەی ئیزێ دەگوازێتەوە و دوو یانەی پرێمەرلیگ ئەستێرەیەكی بارسایان دەوێت

یاریگا –

چێڵسی دەیەوێت بە زووترین كات گواستنەوەی ئالیخاندرۆ گارناچۆ كۆتایی پێبهێنێت، تۆتنهام هێرشبەرێكی لیگ وەن دەكاتە ئامانج و دوو یانە مارک كاسادۆیان دەوێت. 

هەوڵەكانی بایرن میونشن بۆ گواستنەوەی كریستۆفەر ئێنكونكو یاریزانی یانەی چێڵسی وەستاوە – گاردیان.

چێڵسی هەوڵەكانی بۆ گواستنەوەی ئالیخاندرۆ گارناچۆ یاریزانی ئەرجەنتینی یانەی مانچێستەر یونایتد زیاتر دەكات – ئێڤنینگ ستاندارد.

نیوكاسڵ ئارەزووی گواستنەوەی ستراند لارسن هێرشبەری یانەی وۆڵڤز دەكات – ئاتلێتیک.

تۆتنهام بەهۆی نرخە زۆرەكەی ساڤیۆ كە 70 ملیۆن پاوەندە، هەوڵەكانی بۆ گواستنەوەی ماگنێس ئاكیۆشێ هێرشبەری فەڕەنسی یانەی مۆناكۆ دەستپێكردووە – ئێندیپێندیێت.

كریستاڵ پاڵاس دەیەوێت تایلەر دیبلینگ یاریزانی ساوسامتن وەک شوێنگرەوەی ئێبێرێچی ئیزێ بگوازێتەوە كە نزیكە لەوەی پەیوەندی بە تۆتنهامەوە بكات – تۆک سپۆرت.

هەموو شتێک كۆتاییهاتووە و دۆگلاس لویس لە یوڤێنتوسەوە پەیوەندی بە نۆتێنگهامەوە دەكات – توتۆ سپۆرت.

هەردوو یانەی وۆڵڤز و وێستهام ئارەزووی گواستنەوەی مارک كاسادۆ یاریزانی یانەی بارسێلۆنای ئیسپانی دەكەن – ماركا.

گواستنەوەی رۆدریگۆ مونێز لە فولهامەوە بۆ ئاتاڵانتا كۆتاییهات و یانەكەی ئۆفەرێكی 35 ملیۆن پاوەندی رەتكردەوە – فابریزیۆ رۆمانۆ.

ئێدسۆن ئالڤارێز یاریزانی مەكسیكی یانەی وێستهام نزیكە لەوەی بە خواستن پەیوەندی بە فەنەرباچێ بكات – تۆک سپۆرت.