دوایین پەرەسەندن؛ ئەستێرەیەكی پرێمەرلیگ لە یانەكەی یاخی دەبێت
یاریگا –
یۆوان ویسا، هێرشبەری كۆنگۆی یانەی برێنتفۆرد لە یانەكەی یاخی دەبێت.
ویسا لە هاوینی 2021 لە ریزەكانی لۆریانەوە بە بەهای 10 ملیۆن یۆرۆ پەیوەندی بە برێنتفۆردەوە كرد و گرێبەستەكەی لە 2026 بەسەردەچێت.
🚨 BREAKING: Yoane Wissa has unfollowed Brentford, changed his profile picture to black and removed all club photos from his Instagram account as he looks to leave the club.
Wissa’s move to Newcastle is currently being blocked by Brentford, as exclusively revealed earlier with… pic.twitter.com/jsrARbNkBn
— Ben Jacobs (@JacobsBen) August 18, 2025
بە گوێرەی زانیارییەكانی بێن جەیكوبس، یۆوان ویسا لە ئینستاگرام برێنتفۆردی ئەنفۆڵۆو كرد و وێنەی سەر هەژمارەكەی بۆ رەنگی رەش گۆڕی، هەروەها سەرجەم وێنەكانی خۆی بە درێسی برێنتفۆردەوە لابرد.
هێرشبەرە 28 ساڵانەكە لە برێنتفۆرد دڵخۆش نییە و دەیەوێت پەیوەندی بە نیوكاسڵەوە بكات و لەلایەن یانەكەیەوە رێگری لێدەكرێت.
پێشتر برێنتفۆرد بە ویسای راگەیاندبوو كە بە 30 ملیۆن یۆرۆ دەستبەرداری دەبن دواتر ژمارەكەیان بۆ 40 ملیۆن یۆرۆ بەرزكردەوە و ئێستاش داوای 60 ملیۆن پاوەند دەكەن.
وەرزی رابردوو ویسا لە 39 یارییدا لەگەڵ برێنتفۆرد توانی 20 گۆڵ بكات و پێنج گۆڵیش درووستبكات.
