یاریگا –
هێشتا تازە سەرەتای وەرزەکە لە خولی ئیسپانیی دەستیپێکردووە هانزی فلیک دووچاری فشاری ئەستێرەکانی دەبێتەوە.
بارسا بە بردنەویەکی گەورە لالیگای دەستپێکرد کاتێک 0-3 شکستی بە مایۆرکای خاوەنماڵ هێنا.
بەگوێرەی زانیارییەکانی رۆژنامەی El Nacionalی ئیسپانی، دانی ئۆلمۆ پەیامێکی هۆشداریی-ئامێزی بە فلیکی راهێنەر داوە کە ئەم وەزرە کەمیی بەشداریپێکردن قەبووڵ ناکات وەک ئەوەی وەرزی رابردوو لە زۆر یارییدا وەک یەدەگ مامەڵەی لەگەڵ دەکرد.
ئۆلمۆ هاوینی 2024 دوای کێشمەکێشێکی زۆر لە لایپزیگەوە پەیوەندی بە بلاوگراناوە کرد، بەڵام بەهۆی پابەندبوونی یانە کاتالوونیەکە بە یاسای دارایی خاوێن، ناوی ئەو یاریزانە ئیسپانیە درەنگ تۆمارکرا، بەوەش ماوەیەکی ویست تا مافی یاریکردن وەبگرێت.
سەرچاوەکە زانیویەتی کە هێنانی مارکوس راشفۆرد بەخواستن لە یانەی مانچێستەر یونایتدەوە، خەمێکی دیکەی بۆ ئۆلمۆ زیادکردووە و پێیوایە ئەم وەرزەش کێبڕکێکانی بەردەمی بۆ پێگەی سەرەکیی قورستربووە. بەتایبەت کە لە یەکەم یارییدا بەرامبەر مایۆرکا وەک یەدەک بەشدارییپێکرا کاتێک خرایە جێگەکەی فێرمین لوپێز.
🚨 Dani Olmo has warned Hansi Flick that he won’t accept a bit-part role at Barcelona this season following the arrival of Marcus Rashford.
(Source: El Nacional) pic.twitter.com/y7xHzMwffZ
— Transfer News Live (@DeadlineDayLive) August 17, 2025
سەرباری ئەوەی یاریزانێکی سەرەکیی نەبوو لە پلانەکانی وەرزی رابردووی فلیک، بەڵام ئۆڵمۆ توانی لە 39 بەشداریکردندا 12 گۆڵ تۆماربکات لەگەڵ 4 ئەسێست.
