دوایین پەرەسەندن؛ مانچێستەر یونایتد وەڵامی ئۆفەرەکەی رۆما دەداتەوە
یاریگا –
مانچێستەر یونایتد ئامادەیە ئۆفەرەکەی رۆما بۆ دەستبەرداربوون لە جەیدن سانچۆ قبووڵ بکات.
دوێنێ پێنجشەممە 14ـی ئابی 2025، رۆما ئۆفەرێكی فەرمی بە بەهای 20 ملیۆن پاوەند بۆ گواستنەوەی جەیند سانچۆ پێشکەش بە مانچێستەر یونایتد کرد.
بەگوێرەی زانیارییەکانی فابریزۆ رۆمانۆ، مانچێستەر یونایتد بە ئۆفەرەکەی رۆما رازییە، ئێستا هەردوو یانە چاوەڕوانی رووناکی سەوزی یاریزانەکە دەکەن.
🚨🏴 AS Roma are still waiting for Jadon Sancho to give his green light to the move.
Manchester United, prepared to accept Roma’s £20m bid for Sancho… but waiting for Jadon’s decision.
Jadon, open to discuss since earlier this week but still working on personal terms. pic.twitter.com/NUmr00PYoq
— Fabrizio Romano (@FabrizioRomano) August 15, 2025
هەمان سەرچاوە ئاماژەی بەوەش کردووە، سانچۆ لە سەرەتای ئەم هەفتەیە بڕیاری کۆتایی لەبارەی چارەنووسی دەدات و گفتوگۆی مەرجە کەسییەکان لەگەڵ رۆما دەستپێدەکات.
جەیدن سانچۆ لە هاوینی 2021 بە بەهای 85 ملیۆن یۆرۆ لە بۆڕووسیا دۆرتموندەوە پەیوەندی بە مانچێستەر یونایتدەوە كرد و گرێبەستەكەی لەگەڵ شەیتانە سوورەكان لە هاوینی 2026 بەسەردەچێت.
سانچۆ لەگەڵ مانچێستەر یونایتد لە سەرجەم پاڵەوانیەتیەكان بەشداری 83 یارییكردووە و توانیویەتی 12 گۆڵ بكات و شەش گۆڵیش درووست بكات.
