تەواو؛ یانەیەكی گەورە ئۆفەرێکی فەرمی بۆ گواستنەوەی سانچۆ پێشكەشدەكات
یاریگا –
یانەی رۆمای ئیتاڵی ئۆفەرێكی فەرمی بۆ گواستنەوەی جەیدن سانچۆ هێرشبەری ئینگلیزی یانەی مانچێستەر یونایتد پێشكەشدەكات.
جەیدن سانچۆ لە هاوینی 2021 بە بەهای 85 ملیۆن یۆرۆ لە بۆڕووسیا دۆرتموندەوە پەیوەندی بە مانچێستەر یونایتدەوە كرد و گرێبەستەكەی لەگەڵ شەیتانە سوورەكان لە هاوینی 2026 بەسەردەچێت.
سانچۆ وەرزی رابردوو بە خواستن یاریی بۆ چێڵسی دەكرد و لەگەڵ ئەو یانەیە بەشداری 41 یاریی كرد و توانی پێنج گۆڵ بكات و دە گۆڵیش درووست بكات.
🚨🟡🔴 AS Roma submit official bid to Manchester United to sign Jadon Sancho.
Permanent move for £20m offered while club’s also open to loan with buy clause.
Decision up to Manchester United and Sancho’s camp.
🔀 AS Roma, in contact with both Sancho and Bailey. pic.twitter.com/wq4B6MV4ha
— Fabrizio Romano (@FabrizioRomano) August 14, 2025
بەگوێرەی زانیارییەكانی فابریزیۆ رۆمانۆ، یانەی رۆمای ئیتاڵی ئۆفەرێكی فەرمی بۆ گواستنەوەی جەیدن سانچۆ پێشكەشدەكات.
رۆما ئۆفەرێكی فەرمی بە بەهای 20 ملیۆن پاوەند و بە گواستنەوەیەكی هەمیشەیی پێشكەشدەكات و كراوەیە بە خواستنیش بیگوازێتەوە.
بڕیارەكە لەلای مانچێستەر یونایتد و جەیدن سانچۆیە و هێرشبەرە ئینگلیزیەكە نایەوێت پەیوەندی بە یانەكانی توركیاوە بكات.
سانچۆ لەگەڵ مانچێستەر یونایتد لە سەرجەم پاڵەوانیەتیەكان بەشداری 83 یارییكردووە و توانیویەتی 12 گۆڵ بكات و شەش گۆڵیش درووست بكات.
