تەواو؛ لیڤەرپوول بەرگریکارێکی ئەرجەنتینی دەگوازێتەوە

یاریگا –

دوای گفتوگۆییەکی خێرا و چەند رۆژە، لیڤەرپوول و پارما لەسەر گواستنەوەی جیۆڤانی لیۆنی رێککەوتن.

تۆڕی سکای سپۆرتس بڵاویکردووەتەوە، درەنگانی شەوی رابردوو، لیڤەرپوول و پارما لەسەر گواستنەوەی لیۆنی بەبڕی 26 ملیۆن پاوەند رێککەوتن و یاریزانەکە گەشتی لیڤەرپوول دەکات.

دوای رێککەوتنەکە، پارما رەزامەندی لەسەر گەشتی لیۆنی بۆ لیڤەرپوولدا، تاوەکو لەسەر مەرجەکانی کەسی و پشکنینی پزیشکی بکات.

پێشبینی دەکرێت کۆی پڕۆسەکە ئەمڕۆ پێنجشەممە تەواو بکرێت و سەبی هەینی گرێبەستەکە ئاشکرا بکرێت.

لیڤەرپوول رکابەری چەند یانەیەکی لەسەر بەدەستهێنانی واژۆی لیۆنی ئەرجەنتینی کرد، بەڵام بەرگریکارەکە لە یارییکردن بۆ لیڤەرپوول سووربوو.

لیۆنی دەستبەجێ پەیوەندی بە تیمی یەکەمی لیڤەرپوول دەکات و بەهیچ شێوەیەک بە خواستن ناچێتە یانەیەکی دیکە.

جیۆڤانی لیۆنی، بەرهەمی ئەکادیمیای پادۆڤایە و پێشتر یاریی بۆ سامپدۆریاش کردووە. لە هاوینی ساڵی رابردوو بەبڕی 4.8 ملیۆن یۆرۆ پەیوەندی بە پارماوە کرد.