دەنگۆكانی مێركاتۆ؛ لیڤەرپوول گرێبەستێکی دیکەی یەکلاییکردەوە و بایرن میونشن ئۆفەرێکی فەرمی پێشکەش بە ڤۆلتیمادی دەکات

یاریگا –

لیڤەرپوول لەگەڵ پارما گەیشتە رێککەوتنی کۆتایی و گرێبەستی جیۆڤانی لیۆنی، بەرگریکاری ئیتاڵی یەکلاییکردەوە – سکای سپۆرت

مانچێستەر یونایتد ئامادەیە لەم هاوینە دەستبەرداری راسموس هۆیلوند، هێرشبەری دانیمارکی ببێت و میلان هەوڵەکانی بۆ گواستنەوەی چڕکردووەتەوە – لاگازێتا دێلۆ سپۆرت 

بڕایتن بۆ دەستبەرداربوون لە کارلۆس بالێبا داوای 100 ملیۆن پاوەند لە مانچێستەر یونایتد دەکات – تێلێگراف 

مانچێستەر سیتی، ماگنێس ئاکیۆشێ هێرشبەری مۆناکۆی کردووەتە ئامانج، کە بایەر لیڤەرکوزنیش کێبڕکێی گواستنەوەی یاریزانە 23 ساڵانییەکە دەکات – فلۆریان پلێتنبێرگ

رۆما لەگەڵ ئاستۆن ڤێلا گفتوگۆی گواستنەوەی لیۆن بەیلی دەستپێکردووە، بەڵام تاوەکوو ئێستا هیچ ئۆفەرێکی فەرمی پێشکەش نەکردووە، سعوودیەکان و بێشکتاشیش چاویان لەسەر یاریزانە جامایکییەکەیە – ئاتلێتیک

شاختار ئامادەیە 34 ملیۆن پاوەند لە گواستنەوەی کێڤن سانتۆس، هێرشبەری بەڕازیلی یانەی شاختار خەرج بکات – سکای سپۆرتس

مانچێستەر یونایتد پێشبینی دەکات بەمزووانە ئۆفەری چێڵسیی بۆ گواستنەوەی ئالێخاندرۆ گارناچۆ پێبگات، بەڵام بلوز دەیەوێت بە کەمتر لە 50 ملیۆن پاوەند یاریزانەکە بگوازێتەوە – سکای سپۆرتس

بایرن میونشن ئۆفەرێکی بە بەهای 52 ملیۆن پاوەند بۆ گواستنەوەی نیک ڤۆلتیمادی، هێرشبەری شتوتگارت پێشکەش کردووە، بەڵام شتوتگارت داوای 65 ملیۆن پاوەند دەکات – سکای ئەڵمانیا 

ئەمڕۆ کاتژمێر 14:00 بەکاتی هەولێر، ریال مەدرید فرانکۆ ماستانتونۆ بە میدیاکان دەناسێنێت – فەرمی