یاریگا –
سەرچاوەکانی هەواڵ وادەی ناساندنی یاریزانە نوێیەکەی ریال مەدرید ئاشکرادەکەن.
ریال لەم هاوینە چەند گرێبەستێکی ئەنجامداوە، لەوانە؛ ئالێسکاندەر ئاڕنۆنڵد، دین هویسن، ئالڤارۆ کارێراس و فرانکۆ ماستانتونۆ. کە جگە لەوەی دوایینیان، ئەوانیتر پێشکەش بە هاندەران کراون و یارییشیان بۆ مەدرید ئەنجامداوە.
بەگوێرەی نوێترین زانیاریی کە فابریزۆ رۆمانۆ بڵاویکردووەتەوە، سبەی ماستانتونۆ بە هاندەرانی شاهانەکان دەناسێنرێت.
🚨⚪️ Real Madrid confirm Franco Mastantuono will be presented tomorrow as their new signing. ⭐️🇦🇷 pic.twitter.com/8wwJLqbgtm
— Fabrizio Romano (@FabrizioRomano) August 13, 2025
لە 13ـی حوزەیران، ریال مەدرید بەشێوەیەکی فەرمی گرێبەستی یاریزانە ئەرجەنتینییەکەی لە ریڤەرپلەیتی ئەرجەنتینی راگەیاند، بەڵام بەهۆی بەڕێوەچوونی جامی جیهانی یانەکان، تاوەکو ئێستا یاریزانەکە بە میدیاکان نەناسێنراوە. تێچووی گرێبەستەکەشی 42 ملیۆن یۆرۆیە و تا ساڵی 2031 دەخایەنێت.
