یاریگا –
یانەی ریال مەدریدی ئیسپانی لە بەیاننامەیەكی فەرمیدا كاتی ناساندنی فرانكۆ ماستانتونۆ ئەستێرەی نوێی یانەكەی راگەیاند.
ماستانتونۆ لە هاوینی 2023 لە تیمی ژێر 20 ساڵانی ریڤەرپلەیتەوە بۆ تیمی یەكەم بەرزكرایەوە.
لە 13ـی مانگی رابردوو، ریال مەدرید بەشێوەیەکی فەرمی گرێبەستی یاریزانە ئەرجەنتینییەکەی راگەیاند، بەڵام بەهۆی ئەوەی تەمەنی یاریزانەكە نەگەیشتبووە 18 ساڵ تاوەكو ئێستا یاریزانەكەی نەناساندووە.
سبەی 14-8 ماستانتونۆ دەبێتە 18 ساڵ و ریال مەدریدیش یاریزانەكە دەناسێنێت.
Comunicado Oficial: acto de presentación de Mastantuono.#WelcomeMastantuono
— Real Madrid C.F. (@realmadrid) August 13, 2025
هەژماری فەرمی ریال مەدرید لە پلاتفۆرمی ئێكس لە بەیاننامەیەكی فەرمیدا رایگەیاند، سبەی پێنجشەممە كاتژمێر 2ی دوای نیوەڕۆ بە كاتی كوردستان یاریزانە ئەرجەنتینیەكەی دەناسێنێت.
ماستانتونۆ بەرامبەر 42 ملیۆن یۆرۆ تاوەکو هاوینی 2031 گرێبەست لەگەڵ ریال مەدرید واژۆ كرد.
