ئێڤەرتن گواستنەوە گەورەکەی راگەیاند
یاریگا –
یانەی ئێڤەرتن لە جووڵەیەکی گەوەردا گرێبەستی جاک گریلیشی یاریزانی پێشووی مانچێستەر سیتی راگەیاند.
گریلیش وەرزی رابردوو لە پلانەکانی پێپ گواردیۆلادا نەما، بە چەند گواستنەوەیەکی گرنگیش لە مێرکاتۆی زستانە و هاوینەی ئەم ساڵ، پەیامێکی روونی بە یاریزانە ئینگلیزیەکە دا تا یەنەیەکی نوێ بۆ خۆی بدۆزێتەوە.
Welcome to Everton, @JackGrealish! 🔵
— Everton (@Everton) August 12, 2025
فابریزۆ رۆمانۆی رۆژنامەنووسی ناوداری بواری مێرکاتۆ لای خۆیەوە بەشێک لە وردەکاریی گواستنەوەکەی ئاشکراکردووە و نووسیویەتی گواستنەوەی گریلیش بەشێوەی خواستنە بە بژاردەی 50 ملیۆن پاوەند بۆ کڕینەوەی هەمیشەیی.
یاریزانە 29 ساڵییەکە لەگەڵ ئێڤەرتن ژمارە 18 دەپۆشێت، ئەو ژمارەیەی کە وەین روونی ئەفسانەی ئینگلیزی پێشتر لە سەردەمی لاوێتیدا لەو یانە پۆشیبووی، سەبارەت بەوەش وتی
پێش ئەوەی بێم بۆ ئێرە قسەم لەگەڵ وەین روونی کرد و ئەوەشم پێڕاگەیاند کە ژمارە 18 دەپۆشم. بۆیە هیوادارم ئەویش دڵخۆشبێت.
🚨💙 Official, confirmed. Jack Grealish joins Everton on loan deal with £50m buy option clause from Man City.
“I spoke to Wayne Rooney before I came here and I mentioned that to him – about the number 18 – so I hope he’s happy as well!”, Grealish says. pic.twitter.com/9m7aIYAGMV
— Fabrizio Romano (@FabrizioRomano) August 12, 2025
