فەرمی؛ پاریس سانجێرمان دووەم گرێبەستی هاوینەی راگەیاند
یاریگا –
یانەی پاریس سانجێرمانی فەڕەنسی بە فەرمی گواستنەوەی ئیلیا زابارنی ئۆكراینی و بەرگریكاری بۆرنمسی بۆ ریزەكانی یانەكەی راگەیاند.
هەژماری فەرمی پاریس سانجێرمان لە پلاتفۆرمی ئێكس گواستنەوەی ئیلیا زابارنی بۆ ریزەكانی یانەكەی راگەیاند.
Il entre dans la lumière. Il est désormais l’un des nôtres.
Bienvenue à Paris Illia Zabarnyi ❤️💙 pic.twitter.com/dmQN4QdeHt— Paris Saint-Germain (@PSG_inside) August 12, 2025
ئیلیا زابارنی، بە گرێبەستێک بە بەهای 67 ملیۆن یۆرۆ و تاوەكو 2030 لە بۆرنمسەوە پەیوەندی بە پاریس سانجێرمانەوە كرد.
زابارنی لە هاوینی 2023 لە ریزەكانی دینامۆ كیێڤەوە بە بەهای 22 ملیۆن یۆرۆ پەیوەندی بە بۆرنمسەوە كرد و بەهای ئێستای لە بۆرسەی یاریزاناندا 42 ملیۆن یۆرۆیە.
بۆرنمس لە مێركاتۆی هاوینەدا دەستبەرداری سێ بەرگریكاری سەرەكی وەرزی رابردووی دین هاوسن، میلۆس كێركێز و ئیلیا زابارنی بوو.
پاریس لە مێركاتۆی هاوینەدا تاوەكو ئێستا لوكاس چیڤالیێر و ئیلیا زابارنی گواستووەتەوە.
زابارنی وەرزی رابردوو لەگەڵ بۆرنمس بەشداری لە 39 یارییكرد و توانی گۆڵێک درووست بكات.
