یاریگا –
ئەڵقەکەی کریستیانۆ رۆناڵدۆ بۆ جۆرجینای خۆشەویستی، بووەتە بابەتێکی ترێند لەنێو بازرگانانی خشل و زێڕوزیو.
بەگوێرەی بەدواداچوونێکی کیگن فیشەر، دامەزرێنەری ماڵی خشڵ، ئەڵماسێکی گەورە لە ناوەڕاستی ئەڵقەکەی جۆرجینیا دەبیندرێت، لەوانەیە کێشی لەنێوان 15 بۆ 30 کەرات بێت. جیا لە ئەڵماسە گەورەکەی ناوەڕاست، دوو ئەڵماسی بچووک لە تەنیشتەکان دەبیندرێن لەوانەیە یەک کەرات بن.
لە بەدواداچوونەکە دەرکەوتووە، بەهای خەمڵێندراوی ئەڵقەکە لە نێوان دوو بۆ پێنج ملیۆن دۆلاری ئەمریکییە.
پەیوەندی خۆشەویستی نێوان رۆناڵدۆ و جۆرجینا لە ساڵی 2016 دەستیپێکرد، ئەمەش دوای دیدارێکی کورتی نێوانیان لە فرۆشگایەکی گوچی لە مەدریدی پایتەختی ئیسپانیا.
