یاریگا –
دۆخی نێوان پاریس سانجێرمان و ئەستێرەیەکی یانەکە گەیشتە خاڵی بنبەست و نزیکەکانی یاریزانەکەش بۆچوونی توندیان هەیە.
بەگوێرەی زانیارییەکانی فابریزۆ رۆمانۆ، پی ئێس جی ناوی جیانلویجی دۆنارومای لە لیستی یاریزانەکانیدا دەرهێنا بۆ یارییە گرنگەکەیان لە جامی سوپەری ئەوروپا.
رۆمانۆ ئەوەشی ئاشکراکردووە کە دۆناروما ئامادە نییە گرێبەستەکەی بەو جۆرەی کارگێڕی یانەکە دەیەوێ، نوێ بکاتەوە. بۆیە هیچ رێککەوتنێک لەنێوانیاندا نەکراوە و گۆڵپارێزە ئیتاڵیەکەش بە رێژەی 100% ئەم هاوینە یان ساڵی داهاتوی یانەکە جێدەهێڵێت وەک یاریزانی ئازاد.
هەر بەپێی زانیارییەکانی رۆژنامەنووسە ئیتاڵیەکە، کامپی نزیک لە دۆناروما پێیانوایە ئەمە دۆخێکی نادادپەروانەیە بۆ گۆڵپارێزەکە.
🚨⚠️ Paris Saint-Germain exclude Gigio Donnarumma from their squad for UEFA Super Cup.
Donnarumma will not sign new deal at PSG, there’s no agreement and he will 100% leave the club, this summer or in 2026 as free agent.
Gigio’s camp feel it’s unfair situation for the GK. pic.twitter.com/ILk5g9IZQ3
— Fabrizio Romano (@FabrizioRomano) August 11, 2025
پاریس لە چەند رۆژی رابردوودا لوکاس چیڤالیێری لە یانەی لیل گواستەوە و بەوەش پەیامێکی روونی بە دۆناروما دا کە شوێنێکی بۆ نەماوەتەوە بۆ پێگەی سەرەکییبوون ریزەکانیاندا.
وا بڕیارە چوارشەممەی ئەم هەفتەیە کاتژمێر 20:00 بە کاتی هەرێمی کوردستان پاریس وەک پاڵەوانی چامپیۆنزلیگ و تۆتنهام وەک پاڵەوانی یۆرۆپالیگ رووبەرووی یەکتر ببنەوە. یاریەکەش لە یاریگای فریولی تایبەت بە ئودینیسی ئیتاڵی بەڕێوەدەچێت.
