یاریگا –
میکێل ئارتێتا داوایەکی نامۆی هەیە لە بەرپرسانی ئارسیناڵ بۆ زیاتر ترساندنی رکابەرەکانیان.
بەگوێرەی هەواڵێک لە سەرچاوەکانی نزیک لە ئارسیناڵەوە، لە کۆتا دوو یاریی نێو یاریگای ئیمارات، تێبینی ئەوە کراوە کەپری سەر رارەوەی هاتنە نێو یاریگاکە لابردراوە.
سەرچاوەکە نووسیویەتی کە دوا دەردەکەوێت ئارتێتای راهێنەر ئەو داوایەی لە بەرپرسانی گەنەرز کردبێت.
لە درێژەی بابەتەکە، سەرچاوکە باس لەوەدەکات هۆکاری پشت ئەو گۆڕانکارییە ئەوەبووە داپۆشەری سەر رارەوەکە “نەڕەی هاندەران”ی ئارسیناڵی کپ دەکردەوە. ئەوەش وایدەکرد دەنگەکانیان کەمتر ترسێنەربێت بۆ رکابەرەکانیان. بەڵام بە لابردنی، یانە رکابەرەکانیان راستەوخۆ دەکەونەژێر کاریگەری ترسەکەوە کاتێ دێنە نێو یاریگاکەوە.
One thing you may of noticed at the last 2 home matches, there is no longer a pull out cover at the players tunnel at the Emirates Stadium.
Apparently, Mikel asked for this to be removed as it muffles the roar of the crowd and makes it less intimidating for the opposing players. pic.twitter.com/5V4VwEq7gl
— Arsenal Fixture News (@AFCFixtureNews) August 10, 2025
بیرۆکەی گۆرانکاریی لە دیزاین، بونیاتی بەشەکانی یاریگا، تیفۆ و تەنانەت تا دەگاتە بنمیچی یاریگاکە ئەوەی کەم لەم ساڵانەی دواییدا یانەیەکی وەک ریال مەدرید ئەنجامیدەدا لە یاریەکانی نێو سانتیاگۆ بێرنابیۆ کاتێک بۆ زۆرێک لە یارییە گەورە و هەستیارەکان بنمیچەکەی بەتەواوەتی دادەخست، جۆرێکە ئامرازی دەرەوەی پلانە تاکتیکیەکان بۆ دورستکردنی زۆرترین کاریگەریی نەرێنی لەسەر رکابەرەکان.
