کۆلۆ موانی لەنێوان خواستی یوڤێنتوس و نیازی یانەکانی پرێمەرلیگدا

یاریگا –

کۆلۆ موانی لە چاوی یانەکانی پرێمەرلیگی لەسەرە و یوڤێنتوسیش هەموو هەوڵێکی خۆی دەدات تا لە یانەکەی بیهێڵێتەوە.

موانی کە زستانی ئەمساڵ بەخواستن لە پاریس سانجێرمانەوە نێردرایە ریزەکانی یۆڤی، لەگەڵ ئەو یانە ئیتالی توانی ئاستی خۆی پیشان بدات. بەجۆرێک لە ئەنجامدانی تەنها 16 یاریی لە سێریائەی توانی 8 گۆڵ و ئەسێستێک بکات.

بەگوێرەی زانیارییەکانی فابریزۆ رۆمانۆ، خانمە پیرەکە متمانەیان بەخۆیان هەیە هەر لەم مانگەدا گرێبەستی هێرشبەرە فەڕەنسیەکە یەکلایی بکەنەوە و بیکەنە هەمیشەیی. خودی یاریزانە فەڕەنسیەکەش تەنها لەگەڵ یوڤێنتوس گفتوگۆی کردووە.

سەبارەت بە نیازی یانەکانی ئینگلتەرایش، بەتایبەت نیوکاسڵ و تۆتنهام کە بەدوای هێرشبەرێکی ئاستبەرزدا دەگەرێن، رۆمانۆ زانیویەتی تا ئێستا هیچ بەرەوپێشچوونێک رووینەداوە پەیوەست بەو دوو یانەیە.

🚨⚪️⚫️ Juventus mantain their confidence to get Randal Kolo Muani deal done this month.

Randal, only talking to Juventus as mentioned this week: zero ongoing with Newcastle and Spurs so far. pic.twitter.com/YcDH9K3o44

— Fabrizio Romano (@FabrizioRomano) August 10, 2025