یاریگا –
سێسک فابرێگاس، راهێنەری کۆمۆ دوای یارییەکەی خوان گامپەر بەرامبەر بارسێلۆنا دەیەوێت چاوی بە هانزی فلیک بکەوێت.
فابرێگاس بارسا وەک نمونەیەک دەبینێت. ئەو حەزی لە شێوازی یاریکردنی تیپەکە و شێوازی تاکتیکەکانی هانزی فلیکە. ئەو راهێنەرە کە رکابەری بارسێلۆنایە لە جامی جوان گامپەردا، بە تایبەتی سەرسام بوو بە تاکتیکەکانی ئۆفسایدی تیپەکە و وەک راهێنەرێکی تازەپێگەیشتوو، بەنیازە دوای یارییەکە قسە لەگەڵ راهێنەرە ئەڵمانییە بکات و پرسیاری تاکتیکی زۆری لێبکات.
فابرێگاس لە چاوپێکەوتنێکی پێش یارییەکەدا گوتی:
بە تامەزرۆییەوە چاوەڕێی یارییەکە دەکەم، بەڵام بە تامەزرۆییەوە چاوەڕێی کۆتایی یارییەکەش دەکەم “بۆ ئەوەی بتوانم گفتوگۆیەکم لەگەڵ فلیکدا هەبێت. ” حەز دەکەم 20 خولەک لەگەڵیدا بەسەر بەرم”. پرسیاری زۆرم هەیە کە دەمەوێت لێی بکەم. شێوازی یاریی کردنیان و ئۆفسایدەکانیان بۆ من باوەڕپێنەکراوە، نازانم چۆن دەیکەن، ئەوە داهێنەرانە و چڕ و پڕە”.
🗣️ 𝗡𝗘𝗪: Cesc Fabregas: “I love Hansi Flick. I would like to spend 20 minutes with him. I have so much questions. Barça play modern football. His offside trap is incredible.” pic.twitter.com/IbjJG48zMr
— The Touchline | 𝐓 (@TouchlineX) August 9, 2025
فابرێگاس لە درێژەی قسەکانیدا گوتی:
“بە تامەزرۆییەوە چاوەڕێی ئەوەم کە بزانم تیپەکەم چۆن کاردانەوەی دەبێت بەرامبەر بەو بابەتە، دەزانم زۆرێک لە راهێنەرەکان بیر لەوە دەکەنەوە، دۆزینەوەی چارەسەرێک لە دۆخێکی لەم شێوەیەدا ئەستەمە، بەڕاستی سەرسامیان کردووم”.
بارسێلۆنا و کۆمۆ بڕیارە ئەمشەو کاتژمێر 22:00 بەکاتی هەولێر لە یاریگای یۆهان کرئیف بەڕێوە بچێت. لەسەرەتادا بەڕێوبەرانی بارسێلۆنا زۆر هەوڵیاندا یارییەکە بگوازنەوە کامپ نۆ بەڵام دواجار نەیانتوانی مۆڵەتی شارەوانی وەربگرن.
