دەنگۆکانی مێرکاتۆ؛ مانچێستەر سیتی لە رۆدری نیگەرانە و نیوكاسڵ یاریزانێک دەگوازێتەوە

یاریگا –

مانچێستەر سیتی ترسی لەدەستدانی رۆدری هەیە، ئێڤەرتن گفتوگۆكانی بۆ گواستنەوەی گرێلیش چڕتر كردووەتەوە و نەسڕ یاریزانێكی بایرن بە ئامانج دەكات.

مانچێستەر سیتی لە ئەگەری لەدەستدانی رۆدری نیگەرانە و تاوەكو ئێستا بڕیاری نەداوە گرێبەستەكەی لەگەڵ یانەكەی بۆ دوای 2027 نوێبكاتەوە و ریال مەدریدیش چاوی لە گواستنەوەی یاریزانەكەیە – ئاس.

ئێڤەرتن گفتوگۆكانی لەگەڵ مانچێستەر سیتی بۆ گواستنەوەی جاک گرێلیش چڕتر كردووەتەوە و دەیانەوێت بە خواستن یاریزانە ئینگلیزیەكە بگوازنەوە – تایمز.

نیوكاسڵ بە ئالێكساندەر ئیزاكی راگەیاند كە ئەم هاوینە رێگەی پێنادرێت پەیوەندی بە لیڤەرپوولەوە بكات – تێلیگراف.

نیوكاسڵ لەگەڵ ئەیسی میلان گەیشتە رێككەوتن و مالیک تیاو بە بەهای 40 ملیۆن یۆرۆ دەگوازنەوە ریزەكانی یانەكەیان – دەیلی مەیڵ.

لیڤەرپوول پاڵێوراوی سەرەكی گواستنەوەی مارک گێی بەرگریكاری ئینگلیزی كریستاڵ پاڵاسە، ئەگەر یاریزانەكە لەم هاوینەدا یانەكەی جێبهێڵێت – تێلیگراف.

چێڵسی گفتوگۆكانی لەگەڵ مانچێستەر یونایتد بۆ گواستنەوەی ئالیخاندرۆ گارناچۆ چڕتر كردووەتەوە – ئاتلێتیک.

دۆمینیک كاڵڤێرت لوین دوای جێهێشتنی ئێڤەرتن هیوادارە پەیوەندی بە مانچێستەر یونایتدەوە بكات – سەن.

چێڵسی هێشتا لە گفتۆگۆی گواستنەوەی چاڤی سیمۆنس یاریزانی یانەی لایپزیگدایە – سكای سپۆرتس.

برێنتفۆرد گفتوگۆی سەرەتای لەگەڵ دانگۆ واتارا یاریزانی یانەی بۆرنمس دەكات – سكای سپۆرتس.

نەسڕ ئۆفەرێک بە بەهای 30 ملیۆن یۆرۆ بۆ گواستنەوەی كینگسلی كۆمان یاریزانی بایرن میونشن ئامادە دەكات – فلۆریان پلێتنبێرگ.