فەرمی؛ مانچێستەر یونایتد گرێبەستە گەورەكەی راگەیاند
یاریگا –
چیرۆكە دوور و درێژەكەی گواستنەوەی بێنیامین شێشكۆ كۆتاییهات و بەفەرمی پەیوەندی بە مانچێستەر یونایتدەوە كرد
بێنیامین شێشكۆ لە هاوینی 2023 لە ریزەكانی سالزبۆرگەوە بە بەهای 24 ملیۆن یۆرۆ پەیوەندی بە لایپزیگەوە كرد و بەهای ئێستای یاریزانەكە لە بۆرسەی یاریزانان 70 ملیۆن یۆرۆیە.
🚨 He’s here! 🚨
Benjamin Sesko is officially a Manchester United player! 🙌
— Manchester United (@ManUtd) August 9, 2025
هەژماری فەرمی مانچێستەر یونایتد لە پلاتفۆرمی ئێكس گواستنەوەی بێنیامین شێشكۆ هێرشبەری سلۆڤینی بۆ ریزەكانی یانەكەی راگەیاند.
شێشكۆ بە بەهای 76.5 ملیۆن یۆرۆی جێگیر و 8.5 ملیۆن گۆڕانكاری پەیوەندی بە شەیتانە سورەكانەوە دەكات.
نیوكاسڵ بە جیدی كاری لەسەر گواستنەوەی هێرشبەرە 22 ساڵانەكە دەكرد و ئۆفەری فەرمیان بۆ گواستنەوەی پێشكەشكرد، بەڵام دواجار یاریزانەكە مانچێستەر یونایتدی بەسەر ماگپایزدا هەڵبژارد.
شێشكۆ لەگەڵ لایپزیگ بەشداری 87 یارییكردووە و توانیویەتی 39 گۆڵ بكات و 8 گۆڵیش درووست بكات.
