یاریگا –
یانەی چێڵسی بەفەرمی پێکانی یاریزانێکی کاریگەری راگەیاند.
بەگوێرەی راگەیەندراوەکەی بلووز لە پێگە فەرمییەکانی خۆیانەوە، دوای گەڕانەوەی بۆ راهێنانەکانی پێش وەرزی نوێ، لێڤی کۆڵویڵ دووجاری پێکان هاتووە لە ئەژنۆیدا و ئەمڕۆ بەو هۆیەوە نەشتەرگەریی بۆ ئەنجامدراوە.
ئەگەرچی هێشتا ماوەی دوورکەوتنەوەکەی ئاشکرانەکراوە، بەڵام بەگوێرەی شوێنی پێکانەکەی بێت پێناچێ بەمزووانە بگەڕێتەوە بۆ ریزەکانی بلووز.
Chelsea FC has released the following update regarding Levi Colwill.
— Chelsea FC (@ChelseaFC) August 7, 2025
کۆڵویڵ تەمەنی 22 ساڵە و لە دڵی بەرگریی یارییدەکات. بە دوورکەوتنەوەی ناوبراو، ئینزۆ مارێسکا بێبەش دەبێت لە تواناکانی یەکێک لە یاریزانە گەنجەکانی کە چاویان لە رکابەریکردنە لەسەر نازناوە نێوخۆیی و ئەوروپیەکەش. کۆڵویڵ لە یاریزانە سەرەکییەکانی راهێنەرە ئیتاڵییەکە بوو کە توانیان ببنە پاڵەوانی مۆندیالی یانەکان.
