تەواو؛ بێنیامین شێشكۆ پەیوەندی بە مانچێستەر یونایتدەوە دەكات

یاریگا –

چیرۆكە دوور و درێژەكەی گواستنەوەی بێنیامین شێشكۆ لە نێوان مانچێستەر یونایتد و نیوكاسڵ كۆتاییهات و هێرشبەرە سلۆڤینییەكە پەیوەندی بە تیمەكەی روبن ئامۆریمەوە دەكات.

بێنیامین شێشكۆ لە هاوینی 2023 لە ریزەكانی سالزبۆرگەوە بە بەهای 24 ملیۆن یۆرۆ پەیوەندی بە لایپزیگەوە كرد و بەهای ئێستای یاریزانەكە 70 ملیۆن یۆرۆیە.

🚨 EXCLUSIVE: Manchester United strike agreement in principle with RB Leipzig to sign Benjamin Sesko. Deal for 22yo #RBLeipzig striker €76.5m + €8.5m. Slovenia international given permission to fly & do medical before completing #MUFC move @TheAthleticFC https://t.co/mM9R0ipHZn

— David Ornstein (@David_Ornstein) August 7, 2025

بە گوێرەی زانیارییەكانی دەیڤد ئۆرنشتاین لە تۆڕی ئاتلێتیک، هەموو شتێک لە نێوان لایپزیگ و مانچێستەر یونایتد كۆتاییهات و بێنیامین شێشكۆ پەیوەندی بە شەیتانە سوورەكانەوە دەكات.

هێرشبەرە سلۆڤینییەكە بە بەهای 76.5 ملیۆن یۆرۆ و 8.5 ملیۆن گۆڕانكاری پەیوەندی بە مانچێستەر یونایتدەوە دەكات.

یاریزانە 22 ساڵانەكە مۆڵەتی گەشتكردنی پیدراوە و لەگەڵ مانچێستەر یۆنایتد پشكنینەكانی پزیشكی دەكات و بەمزوانە وەک یاریزانی نوێی شەیتانە سوورەكان دەناسێندرێت.

شێشكۆ لەگەڵ لایپزیگ بەشداری 87 یارییكردووە و توانیویەتی 39 گۆڵ بكات و 8 گۆڵیش درووست بكات.