یاریگا –
مانگی داهاتوو ئەفسانەکانی ریال مەدرید و بارسێلۆنا لە یارییەکی دۆستانەدا رووبەڕوودەبنەوە.
بارسێلۆنا بەشێوەیەکی فەرمی رایگەیاند، لە 27ـی ئەیلولی 2025، ئەفسانەکانی بارسێلۆنا و ریال مەدرید لە یارییەکی دۆستانە لە جاکارتای پایتەختی ئیندۆنیزیا رووبەڕوودەبنەوە.
یارییەکە کاتژمێر 20:00 بەکاتی هەولێر لە یاریگای گێلۆرا بونگ بەڕێوەدەچێت کە یاریگاکە دەتوانێت 77 هەزار هاندەر لەخۆ بگرێت.
یانە کاتالوونیەکە بەفەرمی ئاشکرایکردووە هەریەکە لە رۆڤاڵدۆی بەڕازیلی و کارلێس پویۆڵی ئیسپانی بەشداری یارییەکە دەکەن و لە رۆژانی داهاتوو ناوی یاریزانانی دیکەش ئاشکرا دەکرێن.
کلاسیکۆی ئەفسانەکان تاوەکوو ئێستا نۆ جار بەڕێوەچووە و ئەم یارییە دەبێتە دەیەمین رووبەڕووبوونەوەی نێوانیان.
𝐋𝐨𝐬 𝐁𝐚𝐫𝐜̧𝐚 𝐋𝐞𝐠𝐞𝐧𝐝𝐬 𝐣𝐮𝐠𝐚𝐫𝐚́𝐧 𝐞𝐧 𝐈𝐧𝐝𝐨𝐧𝐞𝐬𝐢𝐚. 🇮🇩
— FC Barcelona (@FCBarcelona_es) August 7, 2025
