ئێڤەرتن یەکەم جوڵەی فەرمی بۆ گواستنەوەی جاک گریلیش دەکات
گفتوگۆی فەرمی دەستیپێکردووە..
یاریگا –
ئێڤەرتن هەوڵەکانی بۆ گواستنەوەی جاک گریلیش، ئەستێرەی مانچێستەر سیتی دەستپێدەکات.
رۆژنامەنووسی تۆڕی ئاتلێتیک دەیڤد ئۆرنشتاین بڵاویکردووەتەوە، ئێڤەرتن دەیەوێت بۆ ماوەی وەرزێک بەشێوەی خواستن گرێبەست لەگەڵ جاک گریلیش واژۆ بکات و بۆ ئەو مەبەستە گفتوگۆی لەگەڵ مانچێستەر سیتی دەستپێکردووە.
ئۆرنشتاین ئاماژەی بەوەش کردووە، ئاسان نییە ئێڤەرتن بتوانێت یاریزانەکە بگوازێتەوە، بەڵام گفتوگۆکان بەردەوامن و هەوڵی تەواوی خۆیان بۆ بەدەستهێنانی جاکی دەدەن.
🚨 Everton open talks with Manchester City over potential move to sign Jack Grealish. #EFC approach for 29yo #MCFC winger based on season-long loan. Complicated deal, not guaranteed to materialise but discussions happening over England int’l @TheAthleticFC https://t.co/ezUxckrw3T
— David Ornstein (@David_Ornstein) August 6, 2025
یاریزانە 29 ساڵانییەکە متمانەی پێپ گواردیۆلای لەدەستداوە و فەیلەسووف چیدیکە ئامادە نییە بەشێوەی سەرەکی پشتی پێ ببەستێت.
گریلیش لە هاوینی 2021 بەبڕی 117.50 ملیۆن یۆرۆ لە ئاستۆن ڤێلاوە پەیوەندی بە مانچێستەر سیتی کرد و تاوەکو هاوینی 2027 گرێبەستی لەگەڵ یانەکە هەیە، بەهای ئێستای لە بۆڕسەی یاریزانان 28 ملیۆن یۆرۆیە.
جاکی بەدرێسی مانچێستەر سیتی لە سەرجەم پاڵەوانێتییەکان بەشداریی 157 یاریی کردووە، 17 گۆڵی کردووە و 23 گۆڵی دروستکردووە.
