تەواو؛ بێنیامین شێشكۆ یانەی داهاتووی هەڵبژارد
لە نێوان مانچێستەر یونایتد و نیوكاسڵ خۆی یەكلاییكردەوە
یاریگا –
بێنیامین شێشكۆ، هێرشبەری سلۆڤینی یانەی لایپزیگ یانەی داهاتووی دەستنیشانكرد.
لە سەرەتای مێرکاتۆی ئەم هاوینە، ناوی شێشکۆ بەردەوام بە چەند یانەیەکی پرێمەرلیگ دەبەسترایەوە و لەسەرووی هەموویانەوە ئارسیناڵ، بەڵام دواتر یانە لەندەنییەکە ئامانجی خۆی یەکلاییکردەوە و لە کۆتاییدا ڤیکتۆر یۆکێرێشی لە سپۆڕتینگ لیسبۆن گواستەوە.
ئێستا شێشکۆ بووەتە ئامانجی سەرەکی مانچێستەر یونایتد و نیوکاسڵ یونایتد. هەرچەندە نیوکاسڵ هەنگاوی فەرمیشی ناوە، بەڵام تاوەکو ئێستا لایپزیگ وەڵامی ماگپایسی نەداوەتەوە.
Sky Sports News understands there is now a growing feeling that Benjamin Sesko wants to join Manchester United over Newcastle 💼 pic.twitter.com/IFehdnNSOS
— Sky Sports News (@SkySportsNews) August 6, 2025
بە گوێرەی زانیارییەكانی سكای سپۆرتس، بێنیامین شێشكۆ مانچێستەر یونایتدی بەسەر نیوكاسڵدا هەڵبژاردووە و دەیەوێت پەیوەندی بە ئۆڵد ترافۆردەوە بكات.
دوێنێ مانچێستەر یونایتد ئۆفەرێكی فەرمی بە بەهای 75 ملیۆن یۆرۆ و 10 ملیۆن گۆڕانكاری بۆ دەستبەرداربوون لە بێنیامین شێشكۆ پێشكەشی لایپزیگ كرد و پێشتریش نیوكاسڵ ئۆفەری فەرمی پێشكەشكردووە.
دوای ئەوەی بێنیامین شێشكۆ مانچێستەر یونایتدی هەڵبژارد، نیوکاسڵ لە کێبڕکێی گواستنەوەی دەکشێتەوە و بەدوای هێرشبەرێکی دیکەدا دەگەڕێت.
بێنیامین شێشكۆ لە هاوینی 2023 لە ریزەكانی سالزبۆرگەوە بە بەهای 24 ملیۆن یۆرۆ پەیوەندی بە لایپزیگەوە كرد و بەهای ئێستای یاریزانەكە 70 ملیۆن یۆرۆیە.
شێشكۆ لەگەڵ لایپزیگ بەشداری 87 یارییكردووە و توانیویەتی 39 گۆڵ بكات و 8 گۆڵیش درووست بكات.
