هەموو شتێک بزانە؛ ریال مەدرید لەم هاوینە گرێبەستی دیکە واژۆ دەکات؟
هەموو شتێک یەکلاییدەبێتەوە..
یاریگا –
ریال مەدرید لەم هاوینە تاوەکو ئێستا گرێبەستی لەگەڵ سێ بەرگریکار و ناوەڕاستکارێک واژۆکردووە و هاندەران دەپرسن ئاخۆ یانەکە گرێبەستی دیکە واژۆ دەکات یاخود نا.
رۆژنامەنووسی کادینا کۆپێ ئارانچا رۆدریگێز روونیکردووەتەوە، ریال مەدرید نیازی نییە لەم هاوینە هیچ گرێبەستێکی دیکە واژۆ بکات و چابی ئاڵۆنسۆی راهێنەری یانەکەی لە بڕیاری کۆتایی ئاگادارکردووەتەوە و مێرکاتۆی مەدرید کۆتایی هاتووە.
بەگوێرەی هەمان سەرچاوە، چابی ئاڵۆنسۆ داوای گواستنەوەی ناوەڕاستکارێکی دیکەی کردووە، بەڵام ریال مەدرید پێی گوتووە پێویستە بەو یاریزانانەی لە بەردەستییەتی هێڵی ناوەڕاستی تیپەکە رێکبخاتەوە و هیچ یاریزانێکی دیکە ناگوازنەوە.
🎙️ @AranchaMOBILE, sobre la vuelta al trabajo del @realmadrid en @partidazocope
⚪️ "@XabiAlonso se tendrá que adaptar a lo que hay"
❌ "Desde el club se da por cerrada la plantilla"
🧠 "El mediocampo se ha estado construyendo durante estos años"
📻 #PartidazoCOPE pic.twitter.com/sCPQLu3iUd
— El Partidazo de COPE (@partidazocope) August 3, 2025
هاوینی 2024 تۆنی کروس ماڵاوایی لە لاکێشەی سەوز کرد و ئەم هاوینەش لوکا مۆدریچ پەیوەندی بە ئیسی میلان کرد و تیپەکە دوو لە بەئەزموونترین ناوەڕاستکارەکانی لەدەستداوە.
یانەکە بڕوای وایە یاریزانە لاوەکانی وەک چوامێنی، کاماڤینگا و ئاردا گولەر لە چەند وەرزی رابردوو ئاستیان بەرەوپێش چووە و ئێستا دەتوانن سەرکردایەتی هێڵی ناوەڕاست بکەن.
