یاریگا –
جۆری پێكانەكەی لیۆنێل مێسی ئەفسانەی ئەرجەنتینی یانەی ئینتەر مەیامی دەستنیشانكرا.
بەرەبەیانی ئەمڕۆ لە یارییەكانی گەڕی دووەمی جامی خولی ئەمریكا ئینتەر مەیامی رووبەرووی نێكاسا بووە و یارییەكەش بە لێدانی یەكلاكەرەوە لە بەرژەوەندی مەیامی كۆتاییهات.
لە خولەكی 11 یارییەكەدا لیۆنێل مێسی تووشی پێكانێكی قورس بوو بەهۆیەوە نەیتوانی یارییەكە تەواو بكات و یاریگای جێهێشت.
Vamos Miami 💗🖤 Victoria para seguir soñando ✨ pic.twitter.com/7wwCiw4cpD
— Inter Miami CF (@InterMiamiCF) August 3, 2025
بە گوێرەی زانیارییەكانی تۆڕی MiamiHerald هەڵسەنگاندنە سەرەتاییەكان ئاماژە بەوە دەكەن، مێسی لە ماسولكەكانی بەشی دواوەی رانی راستی تووشی پێكان بووە و بۆ چاكبوونەوەی پێوویستی بە مانگێک هەیە.
Messi injured, Falcon ejected as Inter Miami battles Necaxa in Leagues Cup https://t.co/COiYQU3Of7
— Miami Herald (@MiamiHerald) August 3, 2025
لە دوای یارییەكە خافیێر ماسكێرانۆ راهێنەری ئینتەر مەیامی گوتی:
مێسی هەستی بە ناڕەحەتی كرد، تا دوای پشكنینەكان ناتوانین جۆر و ماوەی پێكانەكەی دەستنیشانبكەین، پێدەچێت پێكانەكەی مەترسیدار نەبێت.
مێسی لەم وەرزەی خولی ئەمریكیدا ئاستێكی نایاب پێشكەش دەكات و لە 18 یارییدا توانیویەتی 18 گۆڵ بكات و 9گۆڵیش درووست بكات.
