دەنگۆکانی مێرکاتۆ؛ نیوكاسڵ هەوڵی گواستنەوەی هێرشبەرێک دەدات و لیڤەرپوول ئۆفەرێكی دیكە بۆ گواستنەوەی ئیزاک پێشكەش دەكات

یاریگا –

بێنیانین شێشكۆ لەلایەن دوو یانەی پرێمەرلیگەوە داواكراوە، لیڤەرپوول لە هەوڵەكانی بۆ گواستنەوەی ئامانجەكەی بەردەوامە و چێڵسی لە گواستنەوەی بەرگریكارێک سەركەوتوو بوو.

نیوكاسڵ یونایتد ئۆفەرێكی فەرمی بە بەهای 65.5 ملیۆن پاوەند بۆ گواستنەوەی بێنیامین شێشكۆ پێشكەشی لایپزیگ كردووە – سكای سپۆرتس.

مانچێستەر یونایتد لە گفتۆگۆكانی بۆ گواستنەوەی بێنیامین شێشكۆ بەردەوامە و هێشتا خۆی لە نێوان مانچێستەر یونایتد و نیوكاسڵدا یەكلایینەكردووەتەوە – فابریزیۆ رۆمانۆ.

لیڤەرپوول دووەم ئۆفەر بۆ گواستنەوەی ئالێكساندەر ئیزاک پێشكەش دەكات، ئەگەر نیوكاسڵ یاریزانێكی جێگرەوەی بگوازێتەوە – دەیلی مەیڵ.

هیونگ مین سۆن دوای جێهێشتنی تۆتنهام، رەزامەندی دەربڕیوە پەیوەندی بە لۆس ئانجلێسی ئەمریكیەوە بكات – گیڤ می سپۆرت.

جۆرێڵ هاتۆ، بەرگریكاری هۆڵەندی پشكنینەكانی پزیشكی لەگەڵ چێڵسی تەواوكرد و بە بەهای 35.5 ملیۆن پاوەند پەیوەندی بە بلووزەوە دەكات – سكای سپۆرتس.

مانچێستەر یونایتد ئامادەیە ئۆفەرێک بە بەهای 61 ملیۆن پاوەند بۆ گواستنەوەی فێرمین لۆپێز ناوەڕاستكاری ئیسپانی بارسێلۆنا پێشكەش بكات – سپۆرت.

میلان لەگەڵ لیڤەرپوول بۆ گواستنەوەی داروین نونێز لە گفتوگۆدایە و دەیەوێت هێرشبەرە ئوروگواییەكە بگوازێتەوە سان سیرۆ و بۆ گواستنەوەی كێبڕكێی هیلالی سعوودی دەكات – سكای سپۆرتس.

كریستاڵ پاڵاس لە گواستنەوەی یان بیسیک شكستیهێنا و ئۆفەرە 28 ملیۆن پاوەندیەكەی رەتكرایەوە – گازێتا دێلۆ سپۆرت.