تەواو؛ دوو ئەستێرەی ناودار بەیەکەوە ماڵئاوایی دەکەن
هەردووکیان دەچنە پرێمەرلیگ..

یاریگا –
بێنیامین شێشكۆ، هێرشبەری یانەی لایپزیگ ماڵئاوایی لە هاوڕێکانی کردووە و یانەکەی جێدەهێڵێت.
رۆژنامەنووسی سکای ئەڵمانیا فلۆریان پلێتنبێرگ بڵاویکردووەتەوە، بێنیامین شێشكۆ بانگهێشتی یارییە ئامادەکارییەکەی ئەمڕۆی لایپزیگ بەرامبەر ئاتاڵانتا نەکراوە و بەشداریی ناکات.
بەگوێرەی هەمان سەرچاوەم هۆکاری بەشداریی نەکردنی بۆ ئەوە دەگەڕێتەوە یاریزانەکە بڕیاریداوە لایپزیگ جێبهێڵێت، هاوڕێکانی لە بڕیارەکەی ئاگادارکردووەتەوە و رۆیشتنی لە لایپزیگ راگەیاندووە.
🚨🚨 Excl | Benjamin #Sesko is not in the squad for RB Leipzig’s friendly against Atalanta Bergamo today.
Reason: His imminent departure from Leipzig. He has reportedly already told teammates that he will be leaving.
Newcastle United and Manchester United are pushing to sign… pic.twitter.com/zVNOX4L8mt
— Florian Plettenberg (@Plettigoal) August 2, 2025
هەردوو یانەی مانچێستەر یونایتد و نیوکاسڵ یونایتد بۆ گواستنەوەی هێرشبەرە سلۆڤینییەکە لەسەر هێڵن، نیوکاسڵ ئۆفەرێکی فەرمی بە بەهای 80 ملیۆن یۆرۆ بۆ گواستنەوەی پێشکەش کردووە.
هەر بەگوێرەی زانیارییەکانی فلۆریان، چاڤی سیمۆنسی هۆڵەندیش بانگهێشتی یارییەکەی ئەمڕۆ نەکراوە و ئەستێرە لاوەکەش بەمزووانە یانە ئەڵمانییەکە جێدەهێڵێت.
🚨🚨 #Xavi Simons is also not in the squad for RB Leipzig’s friendly against Atalanta Bergamo today. Reason: His imminent departure from Leipzig.
Chelsea want to close the deal very soon, with a new round of talks scheduled. #CFC@philipphinze24 @SkySportDE 🇳🇱 pic.twitter.com/efD2pZDcp0
— Florian Plettenberg (@Plettigoal) August 2, 2025
چێڵسی لەگەڵ لایپزیگ گەیشتووەتە رێککەوتنی کۆتایی و گرێبەستی چاڤی سیمۆنسی هۆڵەندی لە بەرژەوەندی خۆی یەکلاییکردووەتەوە.
ئەستێرە 22 ساڵانییەکە تاوەکو هاوینی 2032 گرێبەست لەگەڵ بلوز واژۆ دەکات، لەگەڵ بژاردەی نوێکردنەوەی گرێبەستەکە تاوەکو هاوینی 2033.