دوایین پەرەسەندن؛ مانچێستەر یونایتد پلانێک بۆ گواستنەوەی بێنیامین شێشكۆ دادەنێت
یاریگا –
ناوی بێنیامین شێشكۆ هێرشبەری سلۆڤینی یانەی لایپزیگ بە بەهێزی بە مانچێستەر یونایتدەوە بەستراوەتەوە.
بێنیامین شێشكۆ لە هاوینی 2023 لە ریزەكانی سالزبۆرگەوە بە بەهای 24 ملیۆن یۆرۆ پەیوەندی بە لایپزیگەوە كرد و بەهای ئێستای یاریزانەكە 70 ملیۆن یۆرۆیە.
Rasmus Hojlund’s future is unclear amid Manchester United’s pursuit of Benjamin Sesko.
But he has not been directly told he is up for sale + so is giving no instruction to search for clubs, hence why Inter chose Ange-Yoan Bonny.
More ⬇️ #MUFC https://t.co/nKKkd5nRZp
— Laurie Whitwell (@lauriewhitwell) July 31, 2025
بە گوێرەی زانیارییەكانی تۆڕی ئاتلێتیک، لایپزیگ لە نێو ئەو چەند یانەدایە كە هەوڵی گواستنەوەی راسموس هۆیلوند هێرشبەری دانیماركی مانچێستەر یونایتد دەدەن.
مانچێستەر یونایتد لە پێشینەی گواستنەوەكانیدا بێنیامین شێشكۆ دادەنێت و ئەگەر یاریزانەكە لەسەر مەرجەكانی كەسی رێكبكەوێت ئەوا ئامادەیە ئۆفەرێكی فەرمی بۆ گواستنەوەی پێشكەشی لایپزیگ بكات.
یونایتد دەیەوێت راسموس هۆیلوند وەک بەشێک لە گرێبەستی گۆڕینەوە بۆ گواستنەوەی بێنیامین شێشكۆ بەكاربهێنێت.
هەروەها بۆ گواستنەوەی شێشكۆ نیوكاسڵ كێبڕكێی گەورەی مانچێستەر یونایتد دەكات.
هۆیلوند لە هاوینی 2023 لە ئاتاڵانتاوە بە بەهای 77.8 ملیۆن یۆرۆ پەیوەندی بە مانچێستەر یونایتدەوە كرد و تاوەكو هاوینی 2028 گرێبەستی لەگەڵ شەیتانە سوورەكان هەیە.
شێشكۆ لەگەڵ لایپزیگ بەشداری 87 یارییكردووە و توانیویەتی 39 گۆڵ بكات و 8 گۆڵیش درووست بكات.
