ئەیسی میلان چارەنووسی کاپتن ئەمێریکا یەکلاییدەکاتەوە
تەنیا هەنگاوێک ماوە..
یاریگا –
ئەیسی میلان گرێبەستی کریستیان پۆلیسیچ، ئەستێرەی ئەمریکی نوێدەکاتەوە.
رۆژنامەنووسی باوەڕپێکراو نیکۆلۆ شیرا بڵاویکردووەتەوە، ئەیسی میلان هەموو شتێکی لەگەڵ کریستیان پۆلیسیچ بڕاندووەتەوە و گرێبەستی ئەستێرە ئەمریکییەکە تاوەکو هاوینی 2029 نوێدەکاتەوە.
پۆلیسیچ لە هاوینی 2023 لە چێڵسییەوە بە بڕی 20.80 ملیۆن یۆرۆ پەیوەندی بە ئەیسی میلان کردووە و تاوەکو 2027 گرێبەسی لەگەڵ یانە ئیتاڵییەکە هەیە.
#ACMilan are confident to finalize Christian #Pulisic’s contract extension until 2029 (€5M/year). #transfers https://t.co/D2Z6loMThB
— Nicolò Schira (@NicoSchira) July 31, 2025
میلان دەیەوێت پارێزگاری لە هێرشبەرە 26 ساڵانییەکەی بکات و گرێبەستەکەی بە زیادکردنی مووچەکەی بۆ 5 ملیۆن یۆرۆی ساڵان نوێدەکاتەوە.
پۆلیسیچ بە دێسی میلان 100 یاریی کردووە و بەشداریی 55 گۆڵی کردووە، 32 گۆڵی کردووە و 23 گۆڵی دروستکردووە، نازناوێکی جامی سوپەری ئیتاڵیای لەگەڵ میلان بەدەستهێناوە.
