بارسێلۆنا چووە نێو رکابەری گواستنەوەیەکی گرانبەها
یاریگا –
یانەی بارسێلۆنا خۆیان وەک رکابەرێکی جیدی پیشانداوە بۆ ئەنجامدانی گرێبەستێک کە رەنگە رێگەکەیان هەروا ئاسان نەبێت.
بارسا لەم مێرکاتۆی هاوینەش تەنها دوو گواستنەوەی ئەنجامداوە، ئەوانیش خوان گارسیای گۆڵپارێز و مارکوس راشفۆرد کە ئەمەی دواتریان بەشێوەی خواستنە.
بەگوێرەی نوێترین زانیاریی کە CaughtOffside بڵاویکردووەتەوە، بلاوگرانا ئێستا رکابەرێکی جدین بۆ گرێبەستکردن لەگەڵ نیکۆلاس جاکسن لە یانەی چێڵسی.
سەرچاوەکە نووسیویەتی کە بارسا ئەو هێرشبەرە سەنیگالیەی وەک یەدەگی رۆبێرت لیڤاندۆڤسکی دەوێت.
🚨 Barcelona have emerged as one of the most serious contenders to sign Nicolas Jackson, identifying the Chelsea striker as a potential backup for Robert Lewandowski.
(Source: @CaughtOffside) pic.twitter.com/mtfzmyIuDT
— Transfer News Live (@DeadlineDayLive) July 30, 2025
بڵاوبوونەوەی ئەم زانیارییە لەکاتێکدایە نزیکی ناوەڕاستی ئەم مانگەبوو رۆژنامەی مەیڵی ئینگلیزی ئاشکرایکرد کە چێڵسی نرخی 100 ملیۆن پاوەندی داناوە وەک نرخی ئەستێرە 23 ساڵیەکەی. ئەوەش نرخێکی ئێجگار قورسە بۆ خەزێنەی یانە کاتالوونیەکە کە چەند ساڵێکە بەهۆی گرفتی داراییەوە دەناڵێنێت.
