یاریگا –
کاتی تیروپشک و دەستپێکی وەرزی نوێی خولی یانە پاڵەوانەکانی کەنداو دەستنیشانکرا، کە زاخۆ وەکو نوێنەری عێراق بەشداریی یارییەکانی وەرزی داهاتوو دەکات.
فیدراسیۆنی تۆپی پێی وڵاتانی کەنداو ئاشکرایکردووە، رۆژی 11ـی ئۆگێست/ئاب کاتژمێر 12:00ـی نیوەڕۆ تیروپشکی وەرزی نوێی خولی یانە پاڵەوانەکانی کەنداو رادەکێشرێت، کە تیروپشکەکە بە ڤیدیۆ Zoom دەکرێت و نوێنەری سەرجەم یانەکان بە ئۆنڵاین بەشدار دەبن.
📅 تم تحديد موعد قرعة النسخة الثانية من #دوري_أبطال_الخليج_للأندية 🏆
📍 الإثنين 11 أغسطس 2025
⏰ الساعة 12:00 ظهرًا بتوقيت الدوحة
🎥 عبر تقنية الاتصال المرئي (Zoom)#AGCFF #أندية_الخليج pic.twitter.com/bsVq7Yvpht— اتحاد كأس الخليج العربي لكرة القدم (@AGCFF) July 30, 2025
فیدراسیۆنی تۆپی پێی کەنداو راشیگەیاندووە، رۆژی 16ـی سێپتێمبەر وەرزی نوێی خولی یانە پاڵەوانەکانی کەنداو بە بەشداریی 8 یانە دەستپێدەکات و رۆژی 14ـی ئەپرێل/نیسانی 2026 کۆتایی دێت.
وەرزی رابردوو یەکەمین وەشانی خولی یانە پاڵەوانەکانی کەنداو دوای دەستپێکردنەوەی پاڵەوانێتییەکە بەڕێوەچوو، کە دهۆک بۆیەکەمجار وەکو نوێنەری عێراق بەشداریی کرد و بووە پاڵەوان، لە یاریی کۆتایی لە قادسیەی کوێتی بردەوە.
