مانچێستەر یونایتد ئامانجی سەرەکی دەستنیشانکردووە

یاریگا –

مانچێستەر یونایتد لەسەر گواستنەوەی هێرشبەرێکی ئاست بەرز سوورە.

رۆژنامەی میرەر بڵاویکردووەتەوە، ئێستا ئۆلی واتکینس، هێرشبەری ئاستۆن ڤیلا بووەتە ئامانجی سەرەکی روبن ئامۆریم و هەوڵی گواستنەوەی دەدرێت.

لەدوای چەندین کۆبوونەوەی نێوان دەستەی کارگێڕی و هونەری یانەکە، هەردوولا لەسەر گواستنەوەی هێرشبەرێکی ژمارە 9 رێککەوتوون.

هەفتەی رابردوو، تۆڕی سکای سپۆرتس بڵاویکردبووەوە، واتکینس یەکێکە لە بەربژێران بۆ پەیوەندیکردنی بە مان یونایتد، بەڵام ئاستۆن ڤیلا ئامادەنییە دەستبەرداری ببێت و بەهای ئێستای لە بازاڕی گواستنەوەکان دەگاتە 60 ملیۆن پاوەند.

هێشتا سێ ساڵ بۆ بەسەرچوونی گرێبەستی واتکینس لە ڤیلا پارک ماوە. لە وەرزی رابردوودا 16 گۆڵی کرد و خاوەنی هەشت ئەسیست بوو.