یاریگا –
یەکێتیی تۆپی پێی کەنداو بەفەرمی بەشداریکردنی یانەی زاخۆی لە خولی یانە پاڵەوانەکانی کەنداو بۆ وەرزی 2025-26 پەسند کرد.
یەکێتییەکە لە بەیاننامەیەکی فەرمیدا، بەشداریکردنی هەشت یانەی لە خولی یانە پاڵەوانەکانی کەنداوی بۆ وەرزی داهاتوو پەسندکرد.
بەگوێرەی بەیاننامەکە، فێدراسیۆنەکانی تۆپی پێی وڵاتەکان، ناوی یانەکانیان بەربژێر کردووە و لە کۆبوونەوەی گشتی یەکێتییەکەدا، ناوی یانە بەشداربووەکانیان پەسند کردووە.
یانە بەشداربووەکان؛
- عەین – نوێنەری ئیماڕات
- سەترە – نوێنەری بەحرێن
- شەباب – نوێنەری سعوودیە
- زاخۆ – نوێنەری عێراق
- نەهزە – عومان
- رەیان – قەتەڕ
- تەزاموون حەزڕەمۆت – یەمەن
- قادسییە – کوێت
ئەمە دووەم وەشانی پاڵەوانیەتییەکەیە و ئامانجی سەرەکی، زیادکردنی رکابەری نێوان یانەکانی کەنداوە، تاوەکو ببێتە دەروازەیەک بۆ ئاڵوگۆڕکردنی ئەزموونی هونەری و بەرزکردنەوەی ئاستی تۆپی پێی ناوچەکە.
یانەی دهۆک بووە پاڵەوانی یەکەم وەشانی پاڵەوانیەتییەکە، دوای بردنەوەی یاریی کۆتایی لە قادسییەی کوێتی بە ئەنجامی 2-1.
