یاریگا –
بارسێلۆنا و ئەستێرەیەکی یانەکە گەیشتوونەتە کۆتا قۆناخەکانی نوێکردنەوەی گرێبەستی نێوانیان.
بەگوێرەی هەواڵێکی تۆزێ پێش ئێستای فابریزۆ رۆمانۆ کە ئەویش پشتی بە زانیارییەکانی فابریس هاوکینس و رۆژنامەی لیکیپی فەڕەنسی بەستووە، ژوول کۆندێ رازی بووە بە نوێکردنەوەی گرێبەستەکەی تا هاوینی 2030.
لە وەردەکاریی زانیارییەکاندا ئەوە هاتووە کە رێککەوتنەکە کراوە و نزیکەکانی کۆندێ رۆشنایی سەوزیان بۆ دێکۆی بەڕێوەبەری یانەکە هەڵکردووە.
🚨🔵🔴 Jules Koundé has agreed to sign new deal at Barcelona until June 2030, as expected.
Agreement in place with the club and green light from Kounde’s camp with Barça director Deco on it.
Formal steps to follow, but deal in place as @FabriceHawkins and @lequipe reported. pic.twitter.com/WHE8VWS10h
— Fabrizio Romano (@FabrizioRomano) July 25, 2025
بڵاوبوونەوەی ئەم هەواڵە دوای ئەوە دێت کە هەر لەم هەفتەیە هاوکینس ئاشکرایکرد یانە کاتالوونیەکەی بۆ پارێزگاریکردن لە تواناکانی بەرگریکارە فەڕەنسیەکە، دەرگایان بە ڕووی یانە گەورەکانی ئەورووپادا و لەنێویاندا مانچێستەر سیتی، داخستووە.
کۆندێ لە هاوینی 2022 لە یانەی سێڤییاوە گواسترایەوە ریزەکانی بارسێلۆنا. ئاستی ئەو بەتایبەت لە وەرزی رابردوودا گەیشتە لووتکە لەگەڵ یەکەمین وەرزی هانزی فلیک.
