تایبەت بە یاریگا؛ نەورۆز ناوەڕاستکارێکی گەرمە دەگوازێتەوە ریزەکانی

یاریگا –

نەورۆز گواستنەوەی محەمەد مەزهەر یاریزانی گەرمەی یەکلایی کردووەتەوە و هەردوولا گەیشتوونەتە رێککەوتنی کۆتایی.

تۆڕی وەرزشی یاریگا زانیویەتی، یانەی نەورۆز لەگەڵ محەمەد مەزهەر ناوەڕاستکاری گەرمە رێککەوتووە و ئەو یاریزانە 27 ساڵانە بۆ وەرزی داهاتوو درێسی یانەکەی سلێمانی دەپۆشێت، کە هاوینی رابردوو ئەو یاریزانە لە چوونی بۆ ریزەکانی هەولێر نزیکبوو.

محەمەد مەزهەر کە لەوەتەی ساڵی 2020 درێسی یانەی شوڕتە دەپۆشی، هاوینی رابردوو چووە ریزەکانی گەرمە و بە درێسی ئەو یانەیە لە جام و خولی عێراقی لە 34 یاری 4 گۆڵ و 6 ئەسیستی کردووە و پێشتر لە یانەی نەفتی میسانیش بووە.