یاریگا –
سەرچاوەیەکی باوەڕپێکراو ژمارە 10ی وەرزی داهاتووی ریال مەدریدی ئاشکراکرد.
لەدوای رۆشتنی یەکجارەکیی لوکا مۆدریچ کە ئەم هاوینە مەدریدی جێهێشت و پەیوەندی بە ئەیسی میلانەوە کرد، مشتومڕێک کەوتە شەقامی وەرزشی بەگشتی و نێو هاندەرانی شاهانەکان کێ ژمارە ئەفسووناوییەکە دەپۆشێت.
پێشتر مێدیاکانی ئەو وڵاتە و لەنێوشیاندا رۆژنامەی مارکا ناوی دیارترین ئەو یاریزانانەی بڵاوکردەوە کە ئەگەری بەهێزن بۆ پۆشینی ژمارەکە. ناوی هەریەکە لە کیلیان ئێمباپێ و ئاردا گولەر وەک دوو بەهێزترن پاڵێوراو باسکران.
تۆزێک پێش ئێستا رۆژنامەی لیکیپی فەڕەنسی بڵاویکردەوە کە ژمارەکە بۆ کیلیان دەبێت.
ئێمباپێ پێشتر لە مۆناکۆ و ئێستاش لە ریزی هەڵبژاردەی فەڕەنسا ژمارە 10ی بۆ خۆی قۆرخکرد. رۆشتنی مۆدریچیش ئەم هەلەشی لە ریال بۆ رەخساند.
لیکیپ زانیویەتی کە خودی یاریزانەکە داوای ژمارەکەی نەکردووە، بەڵکوو دەستەی کارگێڕی شاهانەکان بڕیارەکەی داوە.
Au Real Madrid, Kylian Mbappé portera le numéro 10
Jusqu’ici numéro 9, Kylian Mbappé va récupérer le numéro 10 laissé vacant par Luka Modric au Real Madrid.
➡️ https://t.co/cxFVNtlbzC pic.twitter.com/LmnUSu2tXw
— L’Équipe (@lequipe) July 22, 2025
لای خۆشیەوە رۆژنامەی لو پاریسیان جەختی لە زانیارییەکە کردووەتەوە و نووسیویەتی کە لە چەند رۆژی داهاتوودا درێسەکە بە ناوی ئێمباپێوە بۆ فرۆشتن ئامادەدەبێت.
